Құрметті түлектер мен оқушылар! Ардақты ата-аналар, ұстаздар!

Құрметті түлектер мен оқушылар!

Ардақты ата-аналар, ұстаздар!

Сіздерді кезекті оқу жылының аяқталуымен шын жүректен құттықтаймын!

Еліміздегі карантиндік шектеулерге байланысты соңғы қоңырау шарасы ерекше жағдайда өтуде. Бүгін 9 бен 11 сынып оқушылары ғана ашық алаңда санитарлық нормаларды сақтай отырып өткізсе, қалған сыныптар онлайн қатысуда. 

Биыл облыстағы 442 мектепте 240 мыңға жуық оқушы оқу жылын табысты аяқтап отыр. 11 мыңнан аса түлек алтын ұя мектептерімен қоштасуда. Оның 517-сі «Алтын белгіге» және 508-і үздік аттестатқа үміткер.

Өткен оқу жылы біршама өзгерістерге қарамастан оқушыларымыз бен ұстаздар қауымы үшін жемісті болды. Жамбылдық 98 оқушы халықаралық, республикалық олимпиадалар мен ғылыми жарыстарда жеңімпаз атанды. 

Бұндай үлкен жетістік пен жеңіс ұстаздар қауымының да қажырлы еңбегінің нәтижесі екені сөзсіз. 

Үлкен өмірге қадам басқалы тұрған түлектеріміздің жолы ашық болып, биік белестерді бағындыра беруіне тілектеспін!

• 07.06.2021
• 100