Қорғаныс министрінің Жеңіс Күнімен құттықтау сөзі

Генералдар мен офицер мырзалар, сержанттар мен старшиналар, сарбаздар мен матростар!
 

Қымбатты ардагерлер!

Сіздерді Ұлы Отан соғысындағы Жеңістің 75 жылдығымен құттықтаймын! 9 мамыр –әр адам зор құрметпен, ерекше ықыласпен атап өтетін күн. Бұл күні адамзат соғыста нәсіліне, дініне немесе әлеуметтік мәртебесіне қарамастан, бейбіт өмір сүру, теңдік құқығын жеңіп алған күн.
Жеңіс туралы көзінеқуаныш жасын ала отырып,сол қанды шайқас туралы бізге айтатын, майдан даласынан аман оралғанбатырлар саны жыл өткен сайын азаюда. Шайқас даласынан оралмаған миллиондаған адам жақындарының жүрегінде мәңгі жас болып қала бермек.Әрбір сарбаз, тыл еңбеккері – біз үшін бір тарих,бұл – шынайы сенімнің, патриотизмніңжәне жалпыадамзат құндылықтарына адалдықтың, кез келген, тіпті күші бірнеше есе басым әскери қуатты жеңе алатындықтыңайқын символы. Олар 1418 күн мен түн бойы қайтпас қайсарлық пен ерік-жігер көрсете отырып, фашизмнің агрессиясынан еркін, бейбіт өмір сүру құқығын қорғап қалды.
Бұл соғыс еліміздің әрбір адамның өмірінде өз ізін қалдырғаны бәрімізге белгілі. Әр отбасында қанды қырғыннан оралмаған өз батыры бар. Қазақстаннан майданға 1 миллион 200 мыңнан астам адам шақырылды. Олардың жартысы майдан даласынан оралған жоқ.
Қазақстандықтар Ұлы Отан соғысында Мәскеу, Сталинград түбіндегі, Курск доғасындағыең үлкен шайқастарға қатысып, Днепрден соғыса өтті, Украинаны, Белоруссияны, Молдавияны, Балтық жағалауын, Еуропаны азат етті, Берлинге шабуыл жасады. 500-ге жуық жерлесіміз Кеңес Одағының Батыры атағына ие болды.
Республикада 12 атқыштар және төрт кавалериялық дивизия, жеті атқыштар бригадасы, әртүрлі әскер тектерінің50-ге жуық жеке полкімен батальоны құрылды.
Тыл еңбеккерлері қиын-қыстау кезеңде елімізде барлық мыстың үштен бірінен астамын балқытты. Жауға атылған он оқтың тоғызы Қазақстанда өндірілген қорғасыннан құйылды. Соғыс жылдары Қарағанды шахтерлері 35 миллион тонна көмір, Орал-Ембі мұнайшылары 900 мың тоннаға жуық мұнай өндірді. Ауыл тұрғындары ел үшін алты миллион тоннаға жуық нан, 734 тонна ет өндірді.
Қазақстанға жүздеген кәсіпорын, оның ішінде майдан үшін тәулік бойы қару-жарақ, оқ-дәрі, радиостанциялар мен киім-кешек жеткізетін 19 қорғаныс зауыты эвакуацияланды.
Аға буынның өшпес ерлігін біз әрқашан үлгі тұтамыз. Олар Отанымызға – тәуелсіздікті, ал ұрпақтарына – бейбіт аспан мен тыныштықты аманат етіп қалдырды. Біздің ортақ міндетіміз–күн сайын халқымыз үшін, болашақ ұрпақ үшін қауіпсіздікті сақтауға жәрдемдесу, сол жылдардың қайғылы оқиғасы Тәуелсіз Қазақстанның тарихында ешқашан қайталанбауы үшін бар күш-жігерімізді салу.
Еңселі елдің батырларыжүрегімізде мәңгі сақталады. Ардагерлерге зор денсаулық, қажымас қайрат, ал әскери қызметшілерге бейбіт уақытта жеңіс туын әрқашан көкке көтеріп, желбірете ұстауын тілеймін.

• 09.05.2020
• 578