Бүгін сыбайлас жемқорлыққа қарсы іс-қимыл мәселелері жөніндегі комиссияның және құқық бұзушылықтардың алдын алу жөніндегі ведомствоаралық комиссияның отырысын өткізді.

Отырыс барысында 2015-2025 жылдарға арналған сыбайлас жемқорлыққа қарсы стратегияның 3-кезеңін іске асыру қаралды. Бүгінгі таңда қоғамдық бақылау институты белсенді жұмыс істеуде, ол "2015-2025 жылдарға арналған сыбайлас жемқорлыққа қарсы стратегияны сыртқы талдау мен бағалаудың арнайы мониторингтік тобы" және "Адалдық алаңы" жобалық кеңсесі сияқты жобаларды жарыққа шығаруға мүмкіндік берді.
Бұл жобалардың негізгі жұмысы азаматтар үшін қолайлы жағдай жасау және тұрмыстық сыбайлас жемқорлықты жою болып табылады.
Бұдан әрі Қостанай облысының техникалық және кәсіптік білім беру ұйымдарында 2020 жылға арналған білім алушылар арасында құқық бұзушылық пен суицидтің алдын алу жөніндегі Жол картасын іске асыру туралы мәселе қаралды. Осы жол картасы аясында өткен жылы барлық 20 тармақ толық көлемде орындалды. Оны іске асыруға 22 мыңнан астам студент контингенті бар Облыстың 34 колледжі жұмылдырылды. Жол картасын іске асыру нәтижесі құқық бұзушылық жасаған кәмелетке толмағандар санының 30% - ға, суицидтің 60% - ға төмендеуі болды.
Атқарылған жұмыстарды қорытындылай келе, жауапты мемлекеттік органдарға білім алушылар арасында профилактиканы жалғастыруды тапсырды.

• 21.06.2021
• 294