«2021 жылғы форвардтық қаржыландыру барысы жөнінде» баспасөз парағы

Мемлекет басшысының форвардтық сатып алуды масштабтау жөніндегі тапсырмасын орындау аясында «Азық-түлік келісімшарт корпорациясы» ҰҚ»  АҚ (бұдан әрі - Корпорация) ағымдағы жылы ауыл шаруашылығы өндірушілерін қаржыландыру көлемін ұлғайтты.

Сатып алынатын дақылдардың тізбесі кеңейтілді – 2020 жылы сатып алынатын 4 дақылдан ағымдағы жылы 9 дақылға дейін өсті. Жұмсақ бидай, қатты бидай, арпа, сұлы, күнбағыс, зығыр, рапс, соя, қарақұмық сияқты дақылдар өндірісі қаржыландырылады. Осы дақылдардың барлығы 12 әлеуметтік маңызы бар азық-түлік тауарларын өндіруге арналған шикізат тобына кіреді. 

Ауыл шаруашылығы өндірушілерінің ұсыныстарын ескере отырып, қаржыландыру ақпан айының алғашқы күндерінен басталды, бұл көктемгі егіс жұмыстарына уақтылы дайындалуға мүмкіндік берді.  

Ағымдағы жылы аванс беру көлемі шамамен 40 млрд. теңгені құрады. Бүгінгі күні 760 мың тоннадан астам астық келісімшарт жасалды. Салыстыру үшін, 2020 жылы форвардтық сатып алуға 24,5 млрд.теңге жұмсалды (480 мың тоннадан астық сатып алынды), яғни қаржыландыру 63% - ға артты.

Астықты жеткізгеннен кейін күз мезгіліндегі қосымша ақыны ескере отырып, астық өндірісіне инвестиция сомасы 60 млрд. теңгеден асады.

Корпорация ауыл шаруашылығы өндірушілерін қаржыландыру үшін 2,4 млрд. рубль сомасына (шамамен 13,7 млрд. теңге) ресейлік биржада облигация орналастыру арқылы ақшалай қаражат тартты, Еуразиялық даму банкінде және екінші деңгейдегі отандық банктерде кредит желілері ашылды.

Корпорация ауыл шаруашылығы өндірушілерін қолдау мақсатында қаражатты сыйақы төлеумен тартатынына қарамастан форвардтық қаржыландыру пайызсыз, әлеуметтік-кәсіпкерлік корпорациялардың кепілдігімен жүзеге асырылады.

Корпорация күз мезгілінде астықты жеткізілуіне қарай астықтың резервтік қорын жаңартады, елдің маш және құс шаруашылықтары үшін жемшөп қоры қалыптастырылады, ұн тарту және өзге қайта өңдеу ұйымдары үшін астық қоры құрылады. 

Ағымдағы жылдағыдай, маусымдық баға тұрақсыздығына қарамастан, сатып алынған астық көлемдері жоғарыда көрсетілген отандық кәсіпорындарға белгіленген бағамен сатылатын болады, бұл жыл бойы дайын өнімнің бағасын тұрақтандыруға мүмкіндік береді.

Бұдан басқа, Корпорациясы «ҰАҒББО» КеАҚ-мен бірге  отандық ауыл шаруашылығы өндірушілерін одан әрі сапалы тұқым материалымен қамтамасыз ету үшін тұқым қорын құру мәселелесін талқылауда.

• 29.06.2021
• 500