Құрметті бұқаралық ақпарат құралдарының қызметкерлері!

Құрметті бұқаралық ақпарат құралдарының қызметкерлері!

Сіздерді кәсіби мерекелеріңізбен құттықтаймын! Халықтың тіршілігінен, әлеуметтік әл-ауқатынан, руханияты мен қоғам тынысынан хабар тарататын қалам иелерінің еңбегі қашан да елеулі.

«Журналистің жегені - жантақ, арқалағаны - алтын» - деп қабырғалы жазушы Шерхан Мұртаза айтқандай әлемдегі, айналадағы, оқиғаларды хабарлап отыратын, билік пен бұқараны байланыстыратын сала – журналистика екені сөзсіз.

Сіздер ешқандай қиындыққа қарамай, өз кәсіптеріңізге деген аса сүйіспеншілкпен жұмыс жасап келесіздер. Пандемия кезіндегі күрделі  сәттерде халыққа шынайы әрі шұғыл ақпарат таратуда аянбай еңбек ете білдіңіздер.

Бүгінде өмірімізге етене еніп жатқан жаңа технологиялар ақпарат саласына да жаңа талаптар мен мүмкіндіктер беруде десек, өңірдегі дәстүрлі журналистика бұл үдерісті тиімді игеруде.

Мен төртінші билік өкілдеріне әрдайым жақын әрі ашық болуға тырысамын. Олармен жиі жүздесіп, ұсыныстар мен мәселелеріне ден қойып отырамын. Бұл бізге көптеген өзекті түйткілдердің түйінінің оңынан тарқатуға көмектеседі.

Баршаңызға шығармашылық табыс, елеулі еңбектеріңізге жеміс тілеймін! Елдігіміз мәңгі, тәуелсіздігіміз тұғырлы болғай!

• 30.06.2021
• 252