Вакцинация. Таңдау құқығы.

Кеше жергілікті журналистердің бірі менен вакцинация алған сәттегі суретімді неге жарияламағанымды сұрады.

Вакцинация мәселесі қазір “жақтас” және “қарсы" пікірді азаматтар арасында қызу талқылануда. Осы мәселе бойынша өз ұстанымымды айтып өтейін.

1. Мен вакцинацияны сәуір айында алғаныммен суретімді жарияламадым. Себебі сол кезде халықтың көпшілігінде "егілу қажет пе өзі?" деген сұрақ болмаған. Менде вакцинация жақсы өтті (вакцинация паспортын суреттер топтамасынан көруге болады);

2. Коронавирусқа қарсы вакцинацияны жақтайтын немесе қарсы әртүрлі пікір білдірушілер болды және әлі де бар. Бірақ мен вакцинацияға “қарсы" пікірді әртүрлі вакцинация сынақтарын қолдан жасап сату арқылы ақша табатын жосықсыз адамдардың шығаратынын жоққа шығара алмаймын. Егер бір өңірде орташа есеппен тәулігіне 2 000-ға жуық тест өткізілсе, онда 1 тестілеудің құны шамамен 8 000 теңгені құрайды. Есептеп қарасақ, бұл үлкен қаражат. Бұл қомақты қаражаттарды өңірлердің экономикасын дамытуға жұмсауға мүмкін болар еді. Бірақ, көп жағдайда осындай пікірлер керітартпа адамдардың сөзінен туындайды;

3. Әрине, вакцинация жасау әркімнің өз таңдауы. Егер сіз өзіңіз маман болмасаңыз және тақырыпты терең білмесеңіз, таныс мамандарға сенім артқаныңыз жөн. Мен жоғары санатты дәрігерлермен, профессорлармен, медицина ғылымдарының академиктерімен сөйлестім. Олар өздері вакцинация алғанымен қоймай, мені де вакцинация алуға сендірді. Сонымен қатар, менің егде жастағы ата-анам да вакцинация жасады;

4. Көптеген жұқпалы ауруларға (шешек, тырысқақ, туберкулез және т.б.) екпе салу керектігін өз заманында халық дұрыс түсінбеді. Бірақ соңында ғылым жеңіп шыққанына баршаңыз куәсіз. ХІХ ғасырдың 30-жылдары Кіші жүздің ханы Жәңгір өз халқын сол кезде даланы жайлаған шешек індетінен құтқару үшін өзінің үлкен ұлына алғашқы вакцина жасады. Қазір ондай ауру бар екенін көбі білмейді. Вакцинация арқасында коронавирус індетін де ұмытатын күн келеріне сенімдімін. Ем болсын.

• 30.06.2021
• 245