ҚазҚСҒЗИ-да ҚР ЕЖ EN 1993 "Болат конструкцияларын жобалау" практикалық қолдану мәселелері жөніндегі жұмыс тобының кеңейтілген отырысы өтті

Іс-шараға кәсіби қоғамдастықтың 40-қа жуық өкілдері қатысты. Олардың арасында ҚР Құрылыс және тұрғын үй-коммуналдық шаруашылық істері комитеті техникалық реттеу және нормалау басқармасының сарапшылары, "Мемсараптама" РМК сарапшылары, "Қазақмыс" корпорациясының құрылыс бөлімінің мамандары, "KAZGOR" Жобалау академиясының конструкторлар тобы, сондай-ақ бірқатар жобалау, құрылыс және басқа да компаниялардың өкілдері қатысты.

Отырыс техника ғылымдарының кандидаты, "ҚазҚСҒЗИ"АҚ дамыту және цифрландыру жөніндегі басқарушы директор Александр Шахновичтің төрағалығымен бейнеконференция форматында өтті.

Егжей-тегжейлі баяндама жасаған профессор "институт Проектстальконструкция" ЖШС директоры Юрий Максимов, еурокодтарды пайдалану кезінде еуропалық және жергілікті өндірістің болатының химиялық құрамындағы айырмашылықты ескеру қажет екенін атап өтті. Сондай-ақ, профессор Максимов металл конструкцияларының отқа төзімділігін тексеруге назар аударды.

Өз кезегінде, сараптамалық ұйымдар палатасының орынбасары Талғат Мамаев құрылыс материалдарын өндірушілер Еурокодтарға сәйкес өнім шығаруға дайын емес деп санайды. Сарапшы көптеген еуропалық елдер еурокодтарға шамамен 40 жылдап өтеді дей келе, еурокодтар мен ҚНжЕ-нің параллель жүруін қайтаруды ұсынды.

Осыған қарама-қарсы, "ҚазҚСҒЗИ" АҚ сарапшылары ескі ҚНжЕ мен еурокодтарды қатар қолдану шатасуды тудырады және құрылыс саласын нормалаудың ұйғарылған әдісіне кері қайтарады деп есептейді.

«Қазақстан 2020 жылы еурокодтарды пайдалануға толығымен көшті, сондықтан қазіргі уақытта ескі нормаларға қандай да бір қайтару туралы мәселе күн тәртібінде тұрған жоқ», - деп түсіндірді Александр Шахнович.

Іс-шараны қорытындылай келе, Александр Шахнович еурокодтар кепілдік беретін сенімділікті қамтамасыз етуді растау мақсатында еуропалық және жергілікті өндірістердің болатының физикалық-химиялық сипаттамаларын салыстыру бойынша эксперименттік растаумен ғылыми-зерттеу жұмысын жүргізу қажеттілігін атап өтті.

Кеңейтілген отырыстың хаттамасы қарау үшін құрылыс және тұрғын үй-коммуналдық шаруашылық істері комитетіне жолданады.

ҚазҚСҒЗИ барлық ниет білдірушілерді "Болат конструкцияларын жобалау"ҚР ЕЖ EN 1993 қолдану жөніндегі сауалнамаға қатысуға шақырады. Ұсыныстарыңызды есепке алу үшін төмендегі сілтеме бойынша сауалнама парағын толтыруды сұраймыз:  https://docs.google.com/forms/d/e/1FAIpQLSdh66ngExzOoNP3l9uGHaNovy-diMCOmk0PahmV8j0AB7gurw/viewform?usp=send_form

Алдағы уақытта Еурокодтың басқа да бөліктерін қолдану мәселесін талқылау жоспарлануда. Аталған жұмыс топтары отырыстарының күндері туралы әлеуметтік желілер беттерінде және "ҚазҚСҒЗИ"АҚ сайтында хабарланатын болады.

• 03.07.2021
• 452