Қырғыз Республикасы ТЖМ-нің құрылғанына 30 жыл толуына орай Бішкек қаласында өткен ТЖ МАК XXXIII отырысына қатыстым

Ағымдағы жылғы 1 шілдеде Министр Ю.В. Ильин бастаған ҚР ТЖМ делегациясы құрамында Қырғыз Республикасы ТЖМ-нің құрылғанына 30 жыл толуына орай Бішкек қаласында өткен ТЖ МАК XXXIII отырысына қатыстым. Осы іс-шараның шеңберінде «Зілзалалар қауіп-қатерлерін азайту және климаттың өзгеруі жағдайына бейімделу саласындағы ұлттық бастамалар» халықаралық ғылыми-практикалық конференциясы өтті.

2 шілдеде  Шолпан-Ата қаласында ЕАЭО мүше-мемлекеттердің құтқару ведомстволарының Біріккен ғылыми-техникалық кеңесінің алтыншы отырысын өткізуге тең төрағалық еттім.

Осы Кеңестің платформасында «Ірі қалаларда өртке қарсы қызмет объектілерін оңтайлы орналастыруды анықтаудың заманауи тәсілдері» тақырыбында баяндама жасадым.

Кеңестің барысында күнделікті басқару органдарын дамытудың негізгі мәселелері және төтенше жағдайлар ведомстволарының техникалық мүмкіндіктерін шоғырландыру, сондай-ақ табиғи және техногендік сипаттағы төтенше жағдайлар кезінде қауіпсіздікті қамтамасыз ету саласында ақпараттық технологиялардың рөлі мен орны талқыланды.

Аталған отырыстарға Әзербайжан Республикасы, Беларусь Республикасы, Ресей Федерациясы, Өзбекстан Республикасы және Қырғыз Республикасы ТЖМ өкілдері қатысты.

• 07.07.2021
• 286