"Таразға тарту"

Тарихы терең Тараз қаласының жаңарған келбетін айшықтау жолында аз жұмыстар атқарылып жатқан жоқ. Бұл орайда Ел Тәуелсіздігінің  30 жылдығына  орай қолға алынған «Таразға тарту» жобасының мүмкіндігі зор. Жоба аясында аудандар мен басқармалар өз  жауапкершілігімен скверлер мен саябақтарды абаттандырып, облыс орталығына тамаша тарту жасауда. 

Игі бастама негізінде жалпы қала бойынша 42 нысанда абаттандыру және құрылыс жұмыстары қолға алынса, бұған дейін 16 нысандағы жұмыстар аяқталған болатын. Бүгін Елорда күні мерекесіне орай тағы 6 нысан ел игілігіне берілді.
Аталған жұмыстарға бюджет қаражатынан тыс және демеушілік көздер тартылуда. Осы орайда айрықша белсенділік танытып, өздеріне тиісті жұмыстарды кестеге сәйкес және сапалы орындауға күш салып жатқан басқармалар мен аудандарға, ірі кәсіпорындар мен мәслихат депутаттарына алғысымды білдіремін. Біз қашанда бірлесіп, ұйымдаса білсек, кез-келген істе ілкімділік көрсетіп, көптеген мәселелерді оңына шешуге болатынына тағы да көз жеткізе түсудеміз.

Ендігі кезекте, тұрғындар да атқарылған жұмыстарға жанашырлықпен қарап, нысандардың күтіміне атсалысқаны абзал. Қаланы таза әрі ұқыпты ұстау – баршамыздың ортақ жауапкершілігіміз. Бұл дүниелердің бәрі де кейінгі ұрпақ, болашақ үшін аса маңызды. Қала ажарын арттыруға негізделген осы секілді көрікті орындарымызды мұқият сақтап, оларға дұрыс аманаттау – біздің мерейлі міндетіміз.

• 12.07.2021
• 433