Тәуелсіз елдің символы –Нұр-Сұлтан

 Астана - бұл кең даладағы жай қала ғана емес, саяси ерік-жігер көрінісінің нышаны. Бұл -  саяси батыл қадам. Астана шаңырағы әлі де болса биіктей түспек. Жаңа астананың келешегі бүтіндей XXI ғасырдың еншісінде жатыр. Ал оның ертеңгі еңсесін көтеретіндер - бүгінгі жас жеткіншектеріміз.
Сарыарқаның сары белінде Қанжығалы қарт Бөгенбай елінде ұлан-байтақ қазақ жерінің қасиетті орталығында мемлекетіміздің жаңа астанасының бой көтеруі, жаңа бір мәдени-ғылыми һәм саяси-экономикалық алып ортаның, Отанымыздың күретамырына қан жүгіртетін, жан бітіретін сәулетті, қуатты орданың дүниеге келуі, әлбетте, барша жақсылықтардың игіліктердің шоғырлануы.

2019 жылы 20 наурызда Қазақстан Республикасының Президенті Қасым-Жомарт Тоқаев Парламент палаталарының бірлескен отырысында сөз сөйлеп, Елбасының атын мәңгі сақтау үшін Астана қаласының атауын Нұр-Сұлтан деп өзгерту жөнінде ұсыныс жасады.

Жыл сайын Елорда күні кең көлемде тойланып келеді. Биыл елімізді жайлаған коронавирус індетіне байланыстысақтық  шараларын сақтай отырып, аудандық кітапханада іс-шара өтті. Жиынның мақсаты - Елордамыздың қазіргі тыныс-тіршілігі және  жастардың  елімізді гүлдендіруі және олардың қаншалықты үлес қосып жүргендігі жайлы жастардың ой-пікірлерін тыңдау.Аталыш жиынға аудандық ішкі саясат бөлімінің басшысы Бекбатырова Гүлмира Дүйсенбекқызы, аудандық  Ақсақалдар кеңесінің төрағасы, ауданымыздың Құрметті азаматы Рысбеков Бөкен Қабиұлы және ауданның жастары қатысты. Жиында еліміздің астанасы-Нұр-Сұлтан қаласының қалыптасу тарихы, әлеуметтік дамуы, әлемдік аренадағы жетістіктері мәлімделіп, пікірлер айтылды.

Бөкен Қабиұлы Нұр-Сұлтан қаласы жайлы:«Жаңа астана -бүгінгі күні «Мәңгілік Елге» бағыт алғанмемлекетіміздің шын мәніндегі жүрегіне, ұлттық идеямыздың ұйытқысына айналды. ЕлПрезиденті Н.Ә.Назарбаев Астананың бас сәулетшісі, авторы болып қана қоймай, онымемлекеттік, халықаралық зор маңызы бар шешімдер қабылданатын тарихи қала ретіндеәлемге мойындатты. Халқымыздың мақтанышы Елордамыз уақыт өткен сайын қанатынкеңге жайып, гүлденіп келеді. Қазақстанның келбеті Астананың дамуы мен болашағына тығызбайланысты. Әсіресе, соңғы жиырма жыл ішінде еліміз ерекше қарқынмен дамып, өзінің бейбітөмір сүру саясатын, мәдениетін, білімі мен экономикасын әлем қауымдастығы алдындаайқын дәлелдеп келеді», - дей келе, барша қауымды Тәуелсіз Қазақстанның бас қаласы -Елорда күнімен құттықтады.

Өз сөзінде Елбасының тәуелсіз Қазақстанның қалыптасуы мен өркендеуіндегі рөлін ерекше атап өткен жастар ресурстық орталығының маманы Әлішер ел астанасын Елбасымыздың есімімен байланыстырып, сол кісінің есімімен аталғанын дұрыс деп санайтындығын, сондай-ақ, сарабдал саясаткер ретінде елімізде жаңа туған көптеген  сәбилердің есімдеріЕлбасымыздың құрметіне Нұрсұлтан деп аталып жатқанын тілге тиек етті.

Халықаралық дәрежеде атауы алты құрлыққа жария етілген Астана қаласы араға 24 жыл салып, бүгінде әлемдік дәрежедегі шаһарлардың біріне айналды. Мұндай биік дәрежеге жету үшін аз күш жұмсалған жоқ. Астананың әрі қарай дамуына үлес қосу – баршамыздың парызымыз деп білемін.

Аида Болатбекқызы

• 12.07.2021
• 344