Бірінші сыныпқа қабылдау 1 тамызға дейін жүзеге асырылады

БІРІНШІ СЫНЫПҚА ҚАБЫЛДАУ  1 ТАМЫЗҒА ДЕЙІН ЖҮЗЕГЕ АСЫРЫЛАДЫ

Алты жасар балалар мен биыл 6 жасқа толатын балалардың құжаттарын қабылдау жалғасуда. Бүгінгі таңда мектептерге 286 мыңнан астам өтініш қабылданды. 1 сыныпқа құжат тапсырған балалардың 65% қазақ тілінде оқитын сыныптарға оқуға ниет білдірді. Құжаттарды қабылдау 1 тамызға дейін жалғасады.

Өтініштерді қабылдау электрондық үкімет порталы арқылы электрондық форматта жүргізіледі Еgov.kz. мектепке түсу үшін мынадай құжаттарды ұсыну қажет: баланың денсаулық жағдайы туралы құжаттар (баланың денсаулық паспорты №026/у-3, №063/у нысаны бойынша Медициналық анықтама); баланың көлемі 3х4 см цифрлық фотосуреті.

"Қызыл" аймақта орналасқан өңірлерде тұратын ата-аналар оқу жылының басталуына дейін медициналық анықтамаларды ала алады.

Келесі 2021-2022 оқу жылында мектептерге 380 мыңға жуық бірінші сынып оқушысы барады деп күтілуде.

• 14.07.2021
• 453