Мектепке дейінгі тәрбие мен оқыту

Мектепке дейінгі тәрбие мен оқыту

Мектепке дейінгі тәрбие мен оқыту бiр жастан бастап бірінші сыныпқа қабылданғанға дейін отбасында немесе мектепке дейiнгi ұйымдарда жүзеге асырылады.

Мектепалды даярлық бес жастан бастап мектепке дейінгі ұйымдарда, жалпы білім беретін мектептердің, лицейлер мен гимназиялардың мектепалды даярлық сыныптарында немесе отбасында жүзеге асырылады.

Мектепке дейінгі білім беру қызметін алу үшін мектепке дейінгі ұйымға жолдама алу қажет.

Кезекке тұру, жолдама беру қызметтерін жергілікті атқарушы орган, құжаттарды қабылдау, баланы қабылдау қызметтерін мектепке дейінгі ұйым көрсетеді.

Кезекке тұру, жолдама беру қызметтері автоматтандырылған, кезекті басқару жүйесі тәулік бойы жұмыс істейді және бос орындар болған жағдайда осы орындар өтініш берушілер арасында бөлінеді.

Мектепке дейінгі ұйымды өтініш берушінің өзі таңдайды.

Мектепке дейінгі ұйымдар өз қызметін келесі кезеңдер бойынша ұйымдастырады:

1 қыркүйектен бастап 31 мамырға дейін – мектепке дейінгі ұйымдарда оқу жылы;

1 қыркүйектен бастап 25 мамырға дейін – мектептердің, лицейлер мен гимназиялардың мектепалды даярлық сыныптарында оқу жылы;

1 маусымнан бастап 31 тамызға дейін – жазғы сауықтыру кезеңі;

жыл сайын 1 тамызға дейін - мектеп жасына толған тәрбиеленушілер мектепке дейінгі ұйымнан шығарылады;

1 тамыздан бастап 31 тамызға дейін – мектепке дейінгі ұйымдарда жас топтары және мектептерде (лицейлерде, гимназияларда) мектепалды сыныптар жинақталады.

• 15.07.2021
• 461