құттықтау

Павлодар облысының әкімі Әбілқайыр Сқақовтың металлург күнімен құттықтауы

Құрметті металлургтер!   Сіздерді кәсіби мерекелеріңізбен құттықтаймын!   Металлургия – біздің өңірдің де, бүкіл ел экономикасының да тіректерінің бірі. Сондықтан, сіздер бүкіл Қазақстанның өркендеуі мен нығаюына тікелей үлес қосып жатырсыздар десем қателеспеймін.   Павлодарлық металлургтер – мықты, жанқияр, өз жұмысына және туған жеріне адал адамдар. Сіздерді ерекшелендіретін – мамандықтарыңызда үнемі жаңа мақсаттарға ұмтылуыңыз бен қиындықтарды жеңуге дайындығыңыз. Бүкіл әлем үшін күрделі болған өткен жылы сіздер аймақтық өнеркәсіптің өсімін сақтап, бастапқы аллюминийдің үшінші миллион тоннасын өндірдіңіз. Сіздердің қажырлы еңбектеріңіздің арқасында біздің облыста жылына миллион тоннадан астам ферроқорытпа өндіріліп, жоғары сапалы құбыр өнімдері өндіріліп келеді.   Металлургтер өздерінің жетістіктерімен ғана емес, дәстүрлерімен де танымал. Мен сала дамуының бастауында тұрған Павлодар металлургиясының ардагерлеріне зор алғысымды білдіремін. Олар біздің кәсіпорындарды жаңа деңгейге шығарып, металлургтердің жаңа буындары үшін берік негіз қалап, олардың өз мамандықтарына деген сүйіспеншіліктерін баулыған.    Құрметті металлургтер! Сіздердің талай жаңа еңбек белестері мен кәсіби жетістіктерге жететіндеріңізге кәміл сенемін. Барлықтарыңызға зор денсаулық, отбасылық бақыт және сарқылмас қуат тілеймін!   Мейрамдарыңызбен!

• 19.07.2021
• 373