GIZ Халықаралық ынтымақтастық жөніндегі Герман қоғамымен ынтымақтастық туралы

2020 жылғы 6 қарашада Қазақстан Республикасының Заңнама және құқықтық ақпарат институты (бұдан әрі – Институт) және Халықаралық ынтымақтастық жөніндегі Герман қоғамы GIZ (бұдан әрі - GIZ) арасында «Өзара ынтымақтастық туралы» меморандум жасалды.

«Өзара ынтымақтастық туралы» меморандум бірлескен ғылыми іс-шараларға (ғылыми-практикалық конференциялар, дөңгелек үстелдер, семинарлар, вебинарлар және т. б.) қатысудың өзара іс-қимылын көздейді, құқық саласында және ғылымның басқа да салаларында бірлескен іргелі және қолданбалы ғылыми зерттеулер жүргізуде, заңнаманың тиімділігі мен оны қолдану практикасына талдау жүргізуде, сондай-ақ өзге де бірлескен іс-шараларды ұйымдастыруда қолданылады.

Меморандумға қол қою барысында Қазақстан Республикасы Әділет министрлігі Қазақстан Республикасының Заңнама және құқықтық ақпарат Институтының директоры Рамазан Құмарбекұлы Сарпеков және «Орталық Азиядағы құқықтық мемлекеттілікке жәрдемдесу» (GIZ) халықаралық ынтымақтастық жөніндегі Герман қоғамы бағдарламасының директоры Йорг Пуделька жақын перспективаға арналған бірлескен жоспарларды іске асыру жөніндегі мәселелерді талқылады.

Институт пен GIZ Қазақстан Республикасының Әкімшілік рәсімдік-процестік кодексін әзірлеу бойынша ынтымақтастық, сондай-ақ Әкімшілік құқық мектебінің жыл сайынғы халықаралық ғылыми-практикалық конференциясын ұйымдастыру мен өткізу және басқа да бірлескен іс-шаралар аясында жұмыс атқаруда.

Меморандумға қол қою кезінде Қазақстан Республикасының Заңнама және құқықтық ақпарат институтының және Қазақстандағы GIZ өкілдігінің қызметкерлері қатысты.

• 25.07.2021
• 358