ҚР ҰҒА академигі, Еңбек сіңірген ғылым қайраткері, заң ғылымдарының докторы, профессор Салық Зиманұлы Зимановтың 100 жылдығына арналған «Академик С.З. Зиманов: өнегелі өмірі және ғылыми жетістіктері» атты халықаралық ғылыми-практикалық конференция

2021 жылғы 29 қаңтарда Қазақстан Республикасының Заңнама және құқықтық ақпарат институты Қазақстан Республикасы Әділет министрлігімен бірлесіп онлайн режимде ҚР ҰҒА академигі, еңбек сіңірген ғылым қайраткері, заң ғылымдарының докторы, профессор Салық Зиманұлы Зимановтың 100 жылдығына арналған «Академик С.З. Зиманов: өнегелі өмірі және ғылыми жетістіктері» атты халықаралық ғылыми-практикалық конференция өткізді.

Конференция С.З. Зимановтың заң ғылымын дамытуға, Қазақстан Республикасының заңнамасын одан әрі жетілдіру мақсатында жаңа идеялар мен тәсілдерді іздестіруге қосқан үлесін талқылауға арналған.

Іс-шараға Қазақстан Республикасы Парламентінің депутаттары, Қазақстан Республикасы Конституциялық Кеңесінің, Қазақстан Республикасы Жоғарғы Сотының және басқа мемлекеттік органдардың, отандық және шетелдік білім беру және ғылым ұйымдарының өкілдері қатысып, сөз сөйледі.

Отандық заң ғылымының өкілдері, академик С.З. Зимановтың серіктестері мен шәкірттері құқықтық ғылымды қалыптастыру мен дамытудағы, Қазақстанның мемлекеттік-құқықтық жүйесін жетілдірудегі оның идеяларының пайдаланылмаған әлеуетін атап өтті. Конференция жұмысына жоғары оқу орындарының басшылары: Л.Н. Гумилев атындағы Еуразия ұлттық университетінің ректоры, ҚР ҰҒА академигі, т.ғ.д., профессор – Е.Б. Сыдықов; ҚР Бас прокуратурасы жанындағы Құқық қорғау органдары Академиясының ректоры, з.ғ.к. – Е.С. Мерзадинов; Д.А. Қонаев атындағы Еуразиялық заң академиясының ректоры, з.ғ.д., профессор – Ө.Ш. Жалаири;. ҚР Жоғарғы Сотының жанындағы Сот төрелігі академиясының ректоры, з.ғ.к., профессор – З.Х. Баймолдина қатысты.

Шетелдік қонақтар атынан Ресей Федерациясының Үкіметі жанындағы Заңнама және салыстырмалы құқықтану институтының Жария-құқықтық зерттеулер орталығы меңгерушінің орынбасары, Халықаралық салыстырмалы құқық академиясының корреспондент-мүшесі, Ресей Федерациясының еңбек сіңірген ғылым қайраткері, з.ғ.д., профессор Ю.А. Тихомиров және Новосібір Мемлекеттік Экономика және Басқару университетінің Ғылыми жұмыс және қосымша білім беру бойынша проректор, з.ғ.к., А.А. Макарцев, сондай-ақ Беларусь Республикасы ғылымының өкілдері В.А. Шаршун, С.А. Калинин егемен, тәуелсіз Қазақстан болып қалыптасудағы және заң білімі мен ғылымын дамытудағы С.З. Зимановтың баға жетпес рөлі, сондай-ақ академик С.З. Зимановтың халықаралық беделі туралы айтты.

Пікірталас және пікір алмасу барысында конференция қатысушылары заң ғылымының, ұлттық және халықаралық заңнаманың түрлі салаларындағы ең өзекті теориялық және практикалық сұрақтарды талқылады.

Конференция қорытындысы бойынша «Заңнама және құқықтық ақпарат институтының Жаршысы» журналының арнайы шығарылымын шығару жоспарланып отыр, ол Институттың ресми сайтына (http://www.zqai.kz/ru) орналастырылатын болады.

• 25.07.2021
• 257