Қазақстандық блокчейн-технологиялар қауымдастығымен ынтымақтастық туралы

2021 жылғы 17 наурызда Қазақстан Республикасының Заңнама және құқықтық ақпарат институты (бұдан әрі – Институт) мен Қазақстандық блокчейн – технологиялар қауымдастығы (бұдан әрі – Қауымдастық) арасында өзара ынтымақтастық туралы Меморандум (бұдан әрі – Меморандум) жасалды.

Меморандумда блокчейн саласын, дата-орталықтар индустриясын және басқа да ақпараттық және цифрлық технологияларды құқықтық реттеуге ғылыми зерттеулер жүргізу жөніндегі, сондай-ақ көрсетілген технологияларды дамытуға бағытталған нормативтік құқықтық актілерді әзірлеу жөніндегі ынтымақтастықтың бағыттарын көздейді.

Сонымен қатар, Меморандуммен бірлескен жобалар мен бағдарламаларды орындау, бірлескен іс-шараларды, семинарларды, вебинарларды, ғылыми-практикалық конференцияларды, дөңгелек үстелдер мен басқа да іс-шараларды ұйымдастыру және өткізу жөніндегі қызметтің бағыттары бекітілді.

Меморандумға қол қою барысында Институт директоры Рамазан Құмарбекұлы Сәрпеков пен Қауымдастық басқармасының төрағасы Сапар Қайратұлы Ахметов ынтымақтастықты орнату және кеңейту мәселелерін, сондай-ақ пандемия жағдайындағы жұмыстың өзекті мәселелерін талқылады.

Іс-шараға Қазақстандық блокчейн-технологиялар қауымдастығының өкілдері және Қазақстан Республикасының Заңнама және құқықтық ақпарат институтының қызметкерлері қатысты.

• 25.07.2021
• 244