Еуразиялық экономикалық одақ сотымен ынтымақтастық туралы

Еуразиялық экономикалық одақ сотының (бұдан әрі – ЕАЭО Соты) өтініші бойынша берілген қорытынды үшін Қазақстан Республикасының Заңнама және құқықтық ақпарат институтына алғыс білдіретіні жөнінде ЕАЭО Сотынан хат алғанымызды назарларыңызға қуанышпен жеткіземін. Осы алғыс хатты алу Институттың жұмысын тану және жоғары бағалауды білдіреді.

Институт ЕАЭО Сотымен тығыз ынтымақтасатынын және оның қорытындыларын дайындауда ғылыми көмек көрсететінін атап өткен жөн. Атап айтқанда, 2014 жылдан бастап 2021 жылғы сәуір аралығында Институт ЕАЭО Сотының 15 өтініші бойынша өз ұстанымдарын білдірді. Сонымен қатар, Институт қызметкерлері жыл сайын ЕАЭО Соты ұйымдастыратын халықаралық конференцияларға белсенді қатысады.

Қорытынды дайындауға қатысқан Институт қызметкерлеріне алғысымды білдіремін. Алдағы уақытта табыс пен жемісті жұмыс тілеймін!

• 25.07.2021
• 310