«Ә.Нұрпейісов шығармашылығы және әлемдік әдеби үдеріс» атты халықаралық онлайн конференция мен Әбдіжәміл Нұрпейісов атындағы залдың ашылу салтанаты өтті

ҚР Мәдениет және спорт министрлігінің ұйымдастыруымен ҚР Ұлттық академиялық кітапханасы қазақ әдебиетінің абызы, жазушылық қабылеті түркі халықтарынан асып, Еуропаны мойындатқан қаламгерлердің бірегейі «Ә.Нұрпейісов шығармашылығы және әлемдік әдеби үдеріс» атты халықаралық онлайн конференция мен Әбдіжәміл Нұрпейісов атындағы залдың ашылу салтанаты өтті. Іс-шараның мақсаты – Әбдіжәміл Нұрпейісовтің шығармашылық мұрасын, жинаған кітапханасын елге таныстыру, кітап және кітап оқуды ілгерілету, кітапхананың имиджін көтеру. Сондай-ақ, Әбдіжәміл Нұрпейісовтің шығармашылық мұрасын зерттей отырып, қазақ классикалық және қазіргі заманғы әдеби шығармаларды жастардың оқуына ықпал ету, оқу мәртебесін көтеру, кітапханаға оқырман тарту, оқу мәдениетін дамыту және жас ұрпақтың зияткерлік деңгейін арттыру мен рухани танымын байыту. Оқырмандар үшін классикалық стильде, бай мұрасымен, заманауи жабдықтар жабдықталған оқу залы заманға сай жасалған. Алдағы уақытта оқу көрсеткіші мен қазақ әдебиетінің мәртебесі арттыру үшін оқу залында клубтар мен үйірмелердің және поэзия кештер ұйымдастырылады.  Іс-шараға, ҚР Мәдениет және спорт министрі Ақтоты Райымқұлова; Қазақстанның халық жазушысы, мемлекеттік сыйлықтың лауреаты Әбдіжәміл Нұрпейісов; «Altyn Qyran Foundation» қоғамдық қорының қамқоршылық кеңесінің төрағасы Исламбек Төлеубайұлы Салжанов; мемлекет және қоғам қайраткері, ғалым, филология ғылымының докторы, профессор, жазушы Мырзатай Жолдасбеков; Қазақстандық мемлекет қайраткері, ЕҚЫҰ-ның Аз ұлттар істері жөніндегі Жоғарғы комиссары Қайрат Әбдірахманов; «Либерти» баспасының негізін қалаушы, Нью-Йорк (АҚШ) Илья Левков; белгілі орыс жазушысы, аудармашы, драматург (Россия) Анатолий Андреевич Ким; профессор, Академиялық Пальма ордені, Бейбітшілік және келісім үшін Қазақстан Республикасы Президенті сыйлығының лауреаты Альберт Фишлер; белгілі орыс жазушысы, журналист және баспагер, қоғам қайраткері, Ресей әдебиет академиясының академигі, прозалық кітаптардың, соның ішінде шетелде аударылған кітаптардың авторы  Георгий Пряхин; ақын, Қазақстан жазушылар одағының басқарама төрағасы Ұлықбек Есдәулет; филология ғылымдарының докторы, профессор Серік Негимов және т.б. қатысты.
 

• 29.07.2021
• 363