Қазақстан Қарулы Күштері Бас штабының бастығы ресми сапармен Беларуссияға барды

Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы генерал-лейтенант Мұрат Бектанов Беларусь Республикасына ресми сапармен барды.

Беларусь Республикасының Қорғаныс министрі генерал-лейтенант Виктор Хренинмен және Қарулы Күштері Бас штабының бастығы генерал-майор Виктор Гулевичпен кездесулерде қорғаныс саласындағы қазақстан-беларусь ынтымақтастық мәселелері талқыланды. Атап айтқанда, екіжақты және көпжақты негізде жауынгерлік даярлық іс-шаралары мен оқу-жаттығуларды өткізуді, Армиялық халықаралық ойындарды ұйымдастыру және оған қатысу, кадрлар даярлау және әскери білім беру, әскери-техникалық ынтымақтастық, патриоттық тәрбие мәселелері.

Тараптар өзара қызығушылық тудыратын салалардағы ынтымақтастықты кеңейтуге өзара мүдделілікті атап өтті.

Сапар барысында Беларусь Республикасының Әскери академиясына, жеке десанттық-шабуылдау бригадасына, қорғаныс-өнеркәсіп кешенінің кәсіпорындарына, Ұлы Отан соғысы тарихи жәдігері Беларусь Мемлекеттік мұражайына барды.

Қазақстандық делегация Бресттің күштік құрылымдарының басшылығымен, сондай-ақ Беларусь Қарулы Күштерінің Әуе-десанттық әскерлері мен Арнайы операциялар күштерінің ардагерлерімен кездесті. Генерал-лейтенант Мұрат Бектанов «Брестская крепость-герой» мемориалдық кешені мен Минск қаласындағы Жеңіс монументіне гүл шоқтарын қойды. 5 Жарияланған күні 03 тамыз 2021 Жаңалықтарға жазылу

• 03.08.2021
• 270