Байзақ және Жамбыл аудандарына барып, егістіктерді сумен қамту бойынша атқарылып жатқан шаруалармен және бірқатар нысандардың жұмысымен таныстым.

Байзақ және Жамбыл аудандарына барып, егістіктерді сумен қамту бойынша атқарылып жатқан шаруалармен және бірқатар нысандардың жұмысымен таныстым.
Алдымен Талас су торабына ат басын бұрып, жай-күйіне қанықтым.
Негізінен Жамбыл облысы жер үсті су ресурстарының 80 пайызына жуығын Шу мен Талас трансшекаралық өзендері арқылы алады. Яғни, суармалы су мәселесінде жамбылдық диқандар көрші Қырғыз Республикасынан келетін су көздеріне айтарлықтай тәуелді, бұл орайда «Киров» су қоймасының маңызы зор.
Екі ел үкіметінің арасындағы өзара келісімнің нәтижесінде, бүгінде Қырғызстаннан секундына 18 текше метр су тұрақты түрде  түсіп отыр.
Биыл жауын-шашынның аз түсуі шаруалар үшін қолайсыз болғаны белгілі. Дегенмен, босқа даурығуға негіз жоқ. Бар суды ұтымды ұқсатып, ысырап қылмай, үнемдеп, тиімді пайдалана білсек, вегатациялық кезеңді ойдағыдай өткеруге мүмкіндік жеткілікті. Сондай-ақ, Қырғызстанмен келіссөздерді жалғастыру бойынша жұмыстар жүргізіледі.
Бұдан соң, «ҚазСуШар» РМК облыстық филилы мекемесінің қызметімен  және жолай Байзақ ауданы Тастақ тұрғын алабындағы Байзақ ЛОК су торабының жұмысымен, Бурыл ауылындағы «Яшар» шаруа қожалығының 25 гектар қант қызылшасы алқабымен таныстым.

• 17.08.2021
• 240