«GRAND FOODS PREMIUM»

Бурыл ауылдық округінде «GRAND FOODS PREMIUM» ЖШС көкөніс консервілеу цехы мен сыйымдылығы бес мың тонна болатын сақтау қоймасының құрылысын жүргізген.  Серіктестік қызметімен өткен жексенбі күні Байзақ және Жамбыл аудандарына жұмыс сапарым кезінде таныстым. Жоба құны – 500 млн теңге. Бұл туралы серіктестік басшысы Жалил Аббосов тілге тиек етті.
Заманауи технологиялармен, тоңазытқышпен қамтылған қойма ағымдағы жылдың қыркүйек айында, ал концервілеу цехы келер жылдың бірінші жарты жылдығында іске қосылады деп күтілуде.
Өнімдерді сақтап, оларды кейінірек тапшы кезінде өткеріп, тиісінше пайдаға кеңелудегі қойманың маңыздылығы зор. 
Бұдан соң Көктал ауылындағы «АЛЛЕЛЬ АГРО» АҚ Жамбыл филиалының жұмысына қанықтым. 
 «Қарапайым заттар экономикасы» бағдарламасы аясында несиеге қол жеткізген кәсіпорын биыл 3,5 мың тонна құс етін өндіруді жоспарлап отыр. 2024 жылға қарай жылдық қуаттылығын 44 мың тоннаға дейін жеткізу көзделуде.
Сондай-ақ, кәсіпорынның өзінің жем зауыты мен сою цехы ағымдағы жылдың аяғына дейін іске қосылмақ. Бүгінде олардың құрылысы қызу жүруде.

• 17.08.2021
• 220