Облыс орталығын абаттандыруға 7 млрд. тг жұмсалды

Облыс орталығында көктемде басталған жөндеу науқаны аяқталуға жақын. Өңір экономикасының дамуы облыстық бюджеттен қала қазынасын толтыруға мүмкіндік береді.
⠀
Соңғы 5 жылда облыс орталығының бюджеті 37 миллиардтан 67 миллиард теңгеге дейін өсті, яғни 1,8 есеге ұлғайды. Осының арқасында қаланы абаттандыру бойынша ауқымды жұмыстар жүргізілуде. 5 жылда абаттандыруға шамамен 7 миллиард теңге бөлінді. Бұл қаражат аулаларды жөндеуге, балалар мен спорт алаңдарын орнатуға, алаңдарды, ақысыз автотұрақтар мен жаяу жүргіншілер жолын жабдықтауға жұмсалды.
⠀
Төрт жыл ішінде қалада 386 аула жөнделді. Биыл олар 60 аула жоспарланды, іс жүзінде 78 аулада жөндеу жүргізілді. 261 жаңа балалар алаңқайына биыл тағы 60 ойын алаңы қосылады.
⠀
Біз биыл үйлерді жаңғырту бағдарламасын қайта жүзеге асыра бастадық. Қалада 14 көпқабатты үй күрделі жөндеуден өтеді. 8 көпқабатты үйде жаңа лифттер пайда болады.

• 18.08.2021
• 291