Байқоңыр ғарыш айлағынан OneWeb спутниктері ұшырылды

2021 жылы 22 тамызда Нұр-Сұлтан уақыты бойынша 04:13-те Байқоңыр ғарыш айлағының 31 алаңының «Союз» ұшыру кешенінен «Союз-2-1б» зымыран тасығышпен 34 OneWeb ғарыш аппараты ұшырылды. Ұшырылуы штаттық режимде өтті.

Бұл OneWeb бағдарламасы бойынша тоғызыншы және Байқоңыр ғарыш айлағынан үшінші ұшырылымы болды.

Ғарыш аппараттардың мақсаты – Жердегі тұтынушыларды спутниктік ғарыштық байланыс арқылы жоғары жылдамдықты интернетпен қамтамасыз ету.

Өндіруші – Airbus Defence and Space, тапсырыс беруші – OneWebSatellites. Әрбір құрылғының салмағы шамамен 150 кг, екі күн батареясымен жабдықталған, қызмет ету мерзімі - 5 жыл.

Енді Жердің төменгі орбитасындағы OneWeb спутниктерінің шоқжұлдызында 288 ғарыш аппараты бар.

• 23.08.2021
• 341