Қазақстан Республикасында заң жобалау қызметін ғылыми қамтамасыз ету

2021 жылғы 2 тамызда Қазақстан Республикасы Әділет министрлігінің Қазақстан Республикасының Заңнама және құқықтық ақпарат институты (бұдан әрі – Институт) ZOOM бейнеконференцбайланысын қолдана отырып, «Қазақстан Республикасында заң жобалау қызметін ғылыми қамтамасыз ету» тақырыбында жүргізіліп жатқан ғылыми зерттеудің аралық нәтижелерін талқылау бойынша сараптамалық кездесу өткізді.

Іс-шараның мақсаты: заң жобалау қызметінің әдіснамалық базасы ретінде заңнамалық және заңға тәуелді реттеудің конституциялық-құқықтық негіздерін, сондай-ақ Қазақстан Республикасында заң жобалау қызметін қамтамасыз етудің өзекті мәселелерін жан-жақты талқылау болды.

Сараптамалық кездесу жұмысына Қазақстан Республикасы Парламентінің өкілдері, Л.Н. Гумилев атындағы Еуразия ұлттық университетінің, «Тұран» университеті жанындағы құқық ғылыми-зерттеу институтының, Caspian University «Әділет» ҚЖМ профессорлық-оқытушылық құрамы және Қазақстан Республикасы Заңнама және құқықтық ақпарат институты конституциялық, әкімшілік заңнама және мемлекеттік басқару бөлімінің ғылыми қызметкерлері қатысты. Іс-шараның модераторы ретінде Қазақстан Институтың конституциялық, әкімшілік заңнама және мемлекеттік басқару бөлімінің басшысы з.ғ.к. Нұрғазинов Бағдат Қабылқадырұлы сөйледі.

Осы сараптамалық кездесу Қазақстан Республикасындағы конституциялық, әкімшілік заңнаманы және мемлекеттік басқаруды жетілдірудің өзекті құқықтық мәселелері бойынша жүргізіліп жатқан ғылыми зерттеулердің пікір алмасуы мен нәтижелерін тыңдауға арналған алаң болды. Институт іс-шара қатысушыларына осы іс-шара шеңберіндегі белсенді және жемісті қатысқаны үшін алғысын білдіреді және барлық мүдделі мемлекеттік және мемлекеттік емес құрылымдардың назарына ұлттық заңнаманы жетілдіру мүддесінде өзара ынтымақтастықты кеңейтуге дайын екендігін жеткізеді.

• 27.08.2021
• 320