Президент - Қазақстан Республикасы Конституциясының мызғымастығының нышаны және кепілі

2021 жылғы 26 тамызда Қазақстан Республикасының Конституция күніне арналған «Президент - Қазақстан Республикасы Конституциясының мызғымастығының нышаны және кепілі» атты халықаралық дөңгелек үстел өтті.

Аталған іс-шарада Қазақстан Республикасы Заңнама және құқықтық ақпарат институтының диреторы, Қазақстанның еңбек сіңірген қайраткері Сарпеков Рамазан Құмарбекұлы құттықтау сөз сөйледі.

Іс-шара Қазақстан Республикасы Президентінің жанындағы Қазақстан стратегиялық зерттеулер институтымен ұйымдастырылды.

Дөңгелек үстелдің мақсаты Қазақстандағы конституциялық құрылыстың, Қазақстан Республикасының Тұңғыш Президенті – Елбасы Н.Ә. Назарбаевтың Қазақстан Республикасы Конституциясының идеялық шабыттандырушысы және авторы біздің мемлекетіміздің берік құқықтық негізін құрудағы үлесін қосушы, еліміздің Негізгі заңының мызғымастығының кепілі ретінде ел Президенті Қ.К. Тоқаевтың жетекші рөлінің өзекті мәселелерін талқылау болды.  

Форум жұмысына Қазақстан Республикасы Президенті Әкімшілігінің Ішкі саясат бөлімінің меңгерушісі Н.О. Мауберлинова, Қазақстан Республикасы Парламенті Сенатының депутаты К.Б. Сафинов, Қазақстан Республикасы Парламенті Мәжілісінің депутаты Е.В. Смайылов, Қазақстан Республикасы Конституциялық Кеңесінің мүшесі В.А. Малиновский, ҚР Жоғары Сот Кеңесінің мүшесі
Н.Ө. Жолдасбеков, Қазақстан Республикасы Парламенті жанындағы Парламентаризм институтының директоры М.М. Махамбетов, Қазақстан Республикасы Білім және ғылым министрлігі Ғылым комитеті Философия, саясаттану және дінтану институтының бас директоры С.Т. Сейдуманов, М.С. Нәрікбаев атындағы КАЗГЮУ Университетінің Басқарма Төрағасы  Т.М. Нәрікбаев, Еуропалық құқық және адам құқықтары сараптамалық институтының директоры М.С. Башимов, «Nur Otan» қоғамдық саяси партиясы Институтының директоры М.М. Нұрғалиева, «KazAID» Қазақстандық халықаралық даму агенттігінің басқарма төрағасы Д.Ш. Елеукенов қатысты.

Сондай-ақ, іс-шара аясында Қазақстан-Неміс университетінің халықаралық және өңірлік ынтымақтастық ғылыми-зерттеу институты «CNPC International in Kazakhstan LTD» қолдауымен басып шығаруға дайындаған «Қасым-Жомарт Тоқаев. Қазақстан Республикасы Президентінің таңдамалы еңбектері»  атты кітаптың тұсаукесері өтті. Басылымның жауапты редакторы Халықаралық және өңірлік ынтымақтастық ғылыми-зерттеу институтының директоры, тарих ғылымдарының докторы, профессор Сұлтанов Болат Қылышбайұлы.

Ұйымдастырушылар мен қонақтар қоғамның прогрессивті күштерін, еліміздің барлық азаматтарын біріктіруге бағытталған Президенттің реформаторлық саясатының мәнін халық арасында түсіндіру жұмыстарын жүргізу қажеттігіне сенімді. 

Іс-шара соңында Сарпеков Рамазан Құмарбекұлы конституциялық құрылыстың өзекті мәселелері бойынша бірқатар отандық телеарналарға сұхбат беріп, бұл мереке әрбір қазақстандық үшін ерекше мереке екенін, Қазақстан Конституциясы ел жетістіктерінің сенімді кепілі болды, Қазақстан Республикасының Президенті ҚР Конституциясының 40-бабына сәйкес халық пен мемлекеттік билік бірлігінің, Конституцияның мызғымастығының, адам және азамат құқықтары мен бостандықтарының нышаны әрі кепілі болып табыладығын атап өтті.

• 27.08.2021
• 417