Қазақстан мен Беларусь құрылыстағы бірлескен жобалар туралы келіссөздер жүргізуде

Қазақстандық делегация Минскіге ресми сапармен барды.
Беларусь Республикасының сәулет және құрылыс министрі Руслан Пархомович Қазақстан Республикасының Индустрия және инфрақұрылымдық даму бірінші вице-министрі Қайырбек Өскенбаев бастаған қазақстандық делегациямен ресми кездесу өткізді.
Іс-шараға Қазақстан мен Беларусьтің уәкілетті мемлекеттік органдары мен жеке компанияларының өкілдері қатысты.
«Белстройцентр» республикалық унитарлық ғылыми-сынақ кәсіпорнында келіссөздер жүргізіліп, онда құрылыс саласындағы мәселелер талқыланды.
Атап айтқанда, Қазақстанда «Беларусь орамын» салу бойынша жобаны бірлесіп іске асыру туралы уағдаластықтарға қол жеткізілді, сондай-ақ Тараптар Беларусь құрылыс ұйымдарын Қазақстанда сүт-тауар кешендерін салуға тарту туралы уағдаласты.
Жұмыс бағдарламасы шеңберінде Беларусьтің ең ірі «МАПИД» құрылыс кәсіпорнына барды, онда қазақстандық делегация зауыттың жаңғыртылған бөлігімен, сондай-ақ темірбетон панельдерін өндіру процесімен танысты.
Сондай-ақ, құрылыс материалдары саласындағы мәселелер талқыланды. Кездесуге Қазақ Құрылыс және сәулет ғылыми-зерттеу және жобалау институтының, «Белстройматериалы» ААҚ, «Керамин» ААҚ, «Березастройматериалы» ААҚ өкілдері қатысты.
Сапар аясында қазақстандық делегация «Новая Боровая» шағын ауданының құрылыс барысымен танысты.
Сапар қорытындысы бойынша, тараптар Қазақстанда керамикалық плиткалар өндіру бойынша бірлескен кәсіпорын ұйымдастыру, сондай-ақ Беларусь материалдарының сауда үйін құру туралы уағдаласты.

• 31.08.2021
• 424