КВИ таралуына жол бермеу бойынша жедел штабтың кезекті отырысын өткіздім

Штаб отырысы барысында полиция департаменті бастығының м.а. К.С Дүйсембековты, сондай-ақ Лисаков қаласы әкімінің, Сарыкөл және Алтынсарин аудандарының әкімдерінің баяндамасын тыңдадым. Сонымен қатар, мониторингтік топтардың жұмысы қарастырылды. Осылайша, мониторингтік топтар 2021 жылғы 1-30 тамыз аралығында 2 568 рейдтік іс-шара өткізді, 156 карантиндік шараларды бұзушылық анықталды.
Қазіргі уақытта инфекциялық кереуеттердің жүктемесі 42,0% құрайды, 864 адам емделуде. 
Бірінші компонентпен вакцинациядан 296 036 адам өтті, халықты қамту 58,6% құрайды. Екінші компонентке келетін болсақ, оны вакцинациялауға жататын 242 206 адам немесе халықтың 48,0% алды.
Облыста КВИ бойынша эпиджағдайды тұрақтандыруға қалыптасқан үрдіске байланысты, жалпы республика бойынша барлық меншік нысанындағы және ведомстволық тиесілілік білім беру ұйымдарында штаттық форматта оқытуға рұқсат етілген. Мектепке дейінгі балалар мекемелерінің қызметі де штаттық режимде жүзеге асырылатын болады.
Бірақ бұл ретте аталған нысандар ҚР Бас мемлекеттік санитарлық дәрігерінің №36 қаулысында баяндалған талаптарды қатаң сақтауы тиіс. 
2021 жылғы 27 тамыздағы жағдай бойынша облыста «Ashyq» жобасына қатысу үшін 4 562 өтінім берілді.
Бұдан басқа, бизнес объектілерінің жұмыс регламентінде бас мемлекеттік санитарлық дәрігердің қаулысымен кейбір өзгерістер енгізілген, мысалы, демалыс күндері – «Ashyq» жобасына қатысатын барлық бизнес объектілерінің - жұмыс уақыты сағат 00.00-ге дейін, «Ashyq» жобасы көшбасшыларының сағат 02.00-ге дейін, қызметкерлер мен келушілердің «жасыл мәртебесі» болған жағдайда.
Отырыс қорытындысы бойынша қала мен аудан әкімдіктеріне мониторингтік топтардың жұмысын күшейтуді, сондай-ақ халықты вакцинациялауға қатысты ақпараттық-түсіндіру жұмыстарын күшейтуді тапсырдым.

• 01.09.2021
• 460