Бүгін Қазақстан Республикасының Президенті Қ.К. Тоқаевтың 2021 жылғы 1 қыркүйектегі Қазақстан халқына Жолдауын талқылау бойынша облыс активінің отырысын өткіздім.

Кеше Парламент палаталарының бірлескен отырысында Президент Қасым-Жомарт Кемелұлы Тоқаев Қазақстан халқына Жолдауын арнады. Құжатта күн тәртібіндегі маңызды мәселелер – жер қойнауын пайдалану, АӨК, цифрландыру, әлеуметтік сала, өірлік даму, экология, азаматтық секторды, жергілікті өзін-өзі басқаруды дамыту және ұлтаралық өзара қарым-қатынастар көрініс тапты.
Қазіргі замандағы сын-қатерлерді ескере отырып, экономиканың барлық салаларын және елдің қоғамдық-саяси өмірін жаңғырту бойынша басым мақсаттар алға қойылды. 2025 жылға дейінгі ұлттық даму жоспары қабылданды.
Мемлекеттік қолдаудың барлық шаралары бірінші кезекте азаматтарымыздың әл-ауқатын арттыруға бағытталған.
Мемлекет басшысы атап өткендей: «Бірлік пен келісімнің арқасында жаңа мемлекет құра алдық – бұл басты жетістігіміз. Біз дамудың берік іргетасын қалап, ұлт рухын нығайттық. Әлемдік қоғамдастықтың ықпалды мүшесі болдық. Қоғамдағы тұрақтылықтың арқасында біз айқын прогресс жолына шықтық».
Жолдау біздің алдағы кезеңге арналған елімізді дамытуға бағытталған міндеттерімізді айқындайтын тағы бір мақсатымызға айналды. Қойылған міндеттерді жүзеге асыру үшін жұмыс істейміз.
Актив қорытындысы бойынша Мемлекет Басшысының Жолдауын түсіндіру бойынша белсенді жұмыс жүргізуді, сондай-ақ оны орындау бойынша шаралар қабылдауды тапсырдым.

• 02.09.2021
• 374