Үйірмелермен және секциялармен қамтылды

Алматы облысында қосымша білім беретін 39 ұйым мен 29 сауықтыру лагерлері жұмыс істейді. Мұндай мәліметтер онлайн фортматта өткен мұғалімдердің дәстүрлі тамыз конференциясында белгілі болды, - деп хабарлайды Алматы облысы әкімінің баспасөз қызметі.

          Облыстық білім басқармасының хабарлауынша, орта білім беретін мектептерде жұмыс істейтін 8280 спорттық секция мен үйірмелерге 295 мыңнан астам оқушы бос кездерінде қатысады. Бұл барлық оқушылардың 69%-ын құрайды. Жыл соңына дейін бұл көрсеткішті 73%-ға дейін жеткізу жоспарланып отыр. Ал, қазір балалардың аула клубтарында 8600-дан астам жасөспірім жаттығады. Сондай-ақ, 44 балалар мен жасөспірімдердің спорттық мектептерінде 38 828 бала жаттығады.

          Спортпен айналысудың қолжетімділігін қамтамасыз ету үшін биылдан бастап спорттық секцияларды қаржыландыру жан басымен есептеумен жүргізілетін болды. Оқушылардың санқырлы қажеттілігін қамтамасыз ету үшін, салауатты өмір салтын насихаттау үшін және денешынықтыру пәні мұғалімінің уақытты тиімді пайдалануы үшін мектептер ақысыз спорттық секциялар ұйымдастыруға міндетті. Атап айтқанда, мектепке дейінгі мекемелерде аптасына 2 сағат, мектептерде аптасына 3 сағат, техникалық және кәсіби білім беру мекемелерінде аптасына 4 сағат спорттық секция тегін жұмыс істеуі керек.

Алматы облысы әкімінің баспасөз қызметі

• 20.09.2021
• 217