Шұғыл мәселелерге қатысты жиын

Күн тәртібіндегі бірінші мәселе ретінде жылыту маусымына дайындық талқыланды. Аталған мәселе бойынша облыстық энергетика және тұрғын үй коммуналдық шаруашылығы басқармасының басшысы Бағлан Тәнекенов баяндама жасады.

Спикердің айтуынша, 2021-2022 жылғы жылыту маусымына бюджеттен 13,4 млрд. теңге бөлінді. Қосымша коммуналдық кәсіпорындар есебінен 1,7 млрд. теңге бөлінген. Облысты жылумен қуаттылығы 777,8 Гкал болатын 35 орталық қазандығы қамтамасыз етеді. Сонымен қатар 3 қазандықты табиғи газга көшіру жұмыстары аяқталуда. Яғни Талдықорған қаласындағы #2, #5 қазандығы және Ескелді ауданына қарасты Қарабұлақ ауылындағы орталық қазандық. Орталық қазандықтарын табиғи газға көшіргеннен кейін қуаттылық деңгейі 34,3 Гкал-ға дейін жоғарылап, қатты отынды пайдалану 37 мың тоннаға азаяды. Бұл өз кезегінде қоршаған ортаға зиянды заттардың шығарылуын азайтады.

Амандық Баталов ағымдағы жылыту маусымына облыстағы әр аудан мен қаланың дайындығы туралы сұрап, назардан бірде бір қазандықтың жағдайын қалдырмады.

Әлеуметтік нысандар басты назарда. Балабақша, мектеп, аурухана, әлеуметтік мекеме, мәдениет және спорт нысандары. Жауапты тұлғалар атап өткендей, қажетті дизель, көмір, пеллет және тағы басқасы жеткілікті мөлдерде жеткізілуде. Аталған бағытта қиыншылық байқалмайды. Амандық Баталов қала мен аудан әкімдеріне аталған мәселені жіті назарда ұстауды тапсырды.

Халықты көмірмен қамтуда да қиыншылық байқалмайды. Облыстың тұйықтарында 96 мың тонна көмір бар. Соның өзінде әр жерде тұрғындар ертерек қатты отын сатып алу туралы түсіндіру жұмыстарын жүргізу қажет. Бұл қыс уақытында халық арасында дүрлігудің алдын алады.

- Әр қала мен аудан әкімі ағымдағы жылыту маусымына жеке жауап береді. Қалай жылыту маусымына дайындық аяқталады, келесі жылғы жылыту маусымына дайындық басталатынын ұмытпаған жөн. Әр дүйсенбі аталған мәселеге қатысты маған жедел ақпарат беріп отырыңыздар, - деген Амандық Баталов облыстық энергетика және тұрғын үй коммуналдық шаруашылығы басқармасына тиісті тапсырмалар жүктеді.

Білім нысандарының күрделі жөндеу жұмысына қатысты облыс әкімінің орынбасары Батыржан Байжұманов есеп берді. Оның айтуынша, биыл облыс бойынша 22 білім нысанына жөндеу жұмыстары қажет, оның ішінде 20-сы мектеп. Оның 11-і пайдалануға берілсе, қалған 9-ы жыл соңына дейін пайдалануға берілуге тиіс. Құрылыс жұмыстарының ұзаққа созылуының бірден бір себебі - конкурстық рәсімдердің ұзақ болуы әрі кейбір мердігер мекемелердің мардымсыз жұмысы. Күрделі нысандар қатарына Ақсу, Райымбек және Талғар ауданындағы 3 мектеп жатады. Осыған байланвсты мердігер компания «Голден Сити ДС», «Гунн строй сервис» жауапкершілігі шектеулі серіктестіктері облыс әкімі тарапынан сынға ілікті. Құрылыс бригадасының құрамын көбейту арқылы құрылыс қарқынын жеделдету және арнайы техника санын көбейту тапсырылды.

«Президент биылғы оқу жылы барлық санитарлық нормаларды сақтай отырып дәстүрлі форматта өтуін тапсырған болатын. Біз өз тарапымыздан сапалы білім алуға барлық жағдайды жасауымыз қажет. Сол себепті аты аталған барлық мектеп уақытында тапсырылуы тиіс. Орындар саны бойынша нысандар аз. Егер сіз бар күш-жігеріңізді салсаңыз, онда жұмысты уақытында аяқтауға болады. Бірінші орында сапа, ешқандай олқылық болмауы тиіс», - деп атап өтті А.Баталов.

Кеңес барысында вакцинация қарқыны да талқыланды. Облыстың аудандары мен қалалары арасында Балқаш, Ақсу аудандары 1-орында, онда вакцинация қарқыны жоспарға сәйкес 100 пайыздан асады. Халықты вакцинациямен қамтудың 81 пайызы Сарқан, Кербұлақ аудандары мен Текелі қаласында. Облыста вакцинация деңгейі 67% құрайды. Аутсайдерлар арасында Панфилов, Қаратал және Талғар аудандары бар. Осы аудан әкімдерінің жұмысын облыс әкімі қатаң сынға алды.

"Вакцинация - бұл халықтың денсаулығына қатысты мәселе. Сондықтан оны немқұрайлы өткізуге болмайды. Бұл аудандар мен қалалардың барлық әкімдеріне тікелей қатысты. Адамдарға түсіндіріп, түсініктеме беріңіз. Бұл - сіздің қызметіңіздің маңызды бағыттарының бірі", - деп түйіндеді А.Баталов.

Өңірде "Ауыл - Ел бесігі" жобасының жүзеге асырылу барысы туралы облыстық экономика және бюджеттік жоспарлау басқармасының басшысы Жомарт Әмірханов баяндады.

Оның айтуынша, осы жоба аясында 2019-2020 жылдары облыста 25 ауылдық елді мекенді қамтумен 19,8 млрд.теңге сомасына 75 жоба іске асырылды. Нәтижесінде күніне 720 адам баратын 4 спорт нысаны салынды, 17 білім беру нысаны, 3 орталық аудандық аурухана, 4 мәдениет нысаны, 20 км сумен жабдықтау желісі, 70 км ауылішілік электрмен жабдықтау желісі, 127 км ауылішілік жол жөнделді және 4,4 км жылу желісі салынды. Ағымдағы жылы 14 нысанның 7-і бойынша жұмыстар аяқталды, қалғандары бақылауда. Оларды іске асыру мерзімдерінің бұзылуына жол бермеу қажет.

Амандық Баталов бюджеттік бағдарламалар әкімшілеріне, аумағында осы жобалар іске асырылып жатқан аудан әкімдеріне құрылыс және жөндеу жұмыстары процесін, сондай-ақ ҚР Ұлттық қорынан қаражатты игеруді ерекше бақылауға алуды тапсырды.

Содан кейін облыс әкімінің орынбасары Жеңіс Тұяқов халық санағын бастауға қатысушылардың назарын аударды. Ол сондай-ақ барлық аудан мен қалаларда өзіне-өзі қызмет көрсету бұрыштары құрылғанын, барлығы 312-сі сондай бұрыш бар екенін хабарлады. Онлайн-санаққа белсенді қатысу бойынша Алакөл, Көксу, Балқаш, Сарқан аудандарының тұрғындары ерекшеленеді.

Жиналысты қорытындылай келе, облыс әкімі Амандық Баталов алдағы жылыту маусымына дайындық бойынша жалпы жұмыс жүргізіліп жатқанын, бірақ бүгін айтылған барлық ескертулер дәл уақытында жойылуы тиіс екенін атап өтті. Мектептерді күрделі жөндеу ерекше бақылауда:

- Барлық аудан және қала әкімдері, депутаттық корпус күрделі жөндеу жүргізіліп жатқан әрбір нысанды, әрбір мектепті күнделікті бақылауда ұстауға тиіс. Ауа райының жағдайын ескере отырып, пандемия кезінде суық тию санының өсуіне жол бермеу үшін жылыту маусымы ертерек басталуы мүмкін екеніне дайын болыңыз. Сондықтан барлық нысандар қазан айының басында дайын болуы маңызды. Әлеуметтік-экономикалық дамудың аралық қорытындысы бойынша Алматы облысы республика бойынша бірінші орында тұр. Бұл-облыс тұрғындарының және Сіздердің әрқайсыңыздың үлкен жұмыстарыңыздың нәтижесі. Сондықтан бүгін айтылған мәселелерге жауапкершілікпен қараңыздар. Сондай-ақ АӨК саласы туралы да ұмытпаймыз. Егін жинау аяқталады, көп ұзамай қант қызылшасын жинауға кірісеміз. Жұмысты әркім сапалы орындауы маңызды, содан кейін жалпы нәтижелі нәтиже ұзаққа созылмайды», - деді облыс әкімі.

• 21.09.2021
• 222