Азаматтармен кері байланыс - "халық үніне құлақ асатын" мемлекеттің негізі

"Халық үніне құлақ асатын мемлекет" қағидаттарын іске асырудың қажетті шарты мемлекеттік органдар, азаматтық қоғам институттары және азаматтар арасында еркін ақпарат алмасуды қамтамасыз ететін коммуникативтік орта құру болып табылады. Халықпен кері байланыс саланың проблемаларына дер кезінде ден қоюға, біз қабылдап жатқан шаралар мен бастамаларды бағалауға көмектеседі.

Осыған байланысты, Орталықтың ресми интернет-ресурсында forensic.gov.kz "азаматтарға" қосымша бетінде сіздің сұрағыңызды талқылау немесе мәселені шешу үшін бізбен жедел байланысуға мүмкіндік беретін сервистер жинақталған.

Ведомствоның атына ашық, құпия емес сұрақ қою үшін Сіз ЭЦҚ-ның болуын талап етпейтін "сұрақ-жауап" сервисін пайдалана аласыз. Сұрақ модератормен тіркеледі және тексеріледі, ал жауап осы жерде жарияланады. Бұл ретте Сіз көрсеткен e-mail-ге хабарлама келіп түседі.

Сондай-ақ, "сауалнама" сервисін пайдалана отырып, сіз жасырын түрде ұсынылатын қызметтердің сапасына объективті баға бере аласыз, өз ұсыныстарыңыз бен ескертулеріңізді енгізе аласыз.

• 22.09.2021
• 128