Нұрсұлтан Әбішұлы облыстағы атқарылып жатқан жұмыстарға оң бағасын берді.

Бүгін облысымызға Қазақстанның Тұңғыш Президенті-Елбасы Нұрсұлтан Назарбаев жұмыс сапарымен келді. Сапар барысында  өңірдегі оң көрсеткіштер, Байзақ ауданындағы қалпына келтіру жұмыстары мен қаза тапқан азаматтарымыздың отбасыларына көрсетілетін әлеуметтік көмектер туралы баяндадым. Жарылыс салдарынан зардап шеккен нысандар екі ай ішінде толық қалпына келтірілетінін жеткіздім. 

Биыл сегіз айдың қорытындысы бойынша облыстың экономикалық өсімі 5,6 пайызды құрады.  Ортақ еңбегіміздің нәтижесі ретінде осы көрсеткішпен жылды қорытындылауға тиіспіз. Негізгі мақсаттарымыздың бірі "Нұр-Отан" партиясының, Мемлекет басшысының тапсырмасына сәйкес халықтың тұрмыс сапасын, жағдайын жақсарту. Осы бағытта аймақта атқарылған ауқымды жұмыстар бойынша айтып өттім. Оның бір нәтижесі ретінде сегіз айда орташа жалақы деңгейі 23 пайызға көбейді. Кәсіпорындар және кәсіпкерлермен жалақыны жыл сайын ең кем дегенде 10-15 пайызға көтеру бойынша келісімшарттар, меморандумдар жасалған. 

Нұрсұлтан Әбішұлы облыстағы атқарылып жатқан жұмыстарға оң бағасын берді. 

Сондай-ақ,  Елбасы Қордай ауданы «Әлжан ана» тарихи музейі, Мәдениет үйі мен спорттық-сауықтыру кешенінде болып, өнерпаздар мен жас спортшылармен кездесті.  Кездесу барысында өмірлік өнегесімен бөлісіп, ақ батасын берді. 
Кез келген жетістікке жету жолында аянбай еңбек ету керектігін айтты. Елбасының тапсырмасы мен «Nur Otan» партиясының сайлауалды бағдарламасында айтылған көрсеткіштер алдағы уақытта да өз деңгейінде жүзеге асырылатын болады.

• 23.09.2021
• 297