ТМД-ның бірлескен инженерлік бөлімшесі мен байланыс жүйесі туралы келісімдер қабылданды

ҚР Парламенті Сенатының отырысында 2020 жылғы 29 мамырда қол қойылған «Тәуелсіз Мемлекеттер Достастығына мүше мемлекеттер қарулы күштерінің Бірлескен (біріккен) байланыс жүйесі туралы келісімді ратификациялау туралы» заңы қабылданды.

Аталған келісім Қарулы Күштердің байланыс жүйелерінің тиімді жұмыс істеуі мақсатында қабылданды. Бірлескен (біріккен) жүйе Достастыққа мүше мемлекеттердің қарулы күштері арасында сапалы ақпарат алмасуға, өзара іс-әрекетті дамытуға ықпал етіп, олардың жауынгерлік әзірлігін арттыруға мүмкіндік береді.

Біріккен байланыс жүйесі қазіргі заманғы әскери техникамен және жабдықтармен барынша жарақтандырылып, бірыңғай техникалық тәсілдер негізінде құрылады. Сонымен қатар қазақстандық әскери байланыс жүйесі өз жұмысын бұрынғы режимде жалғастырады.

Бұдан басқа, «Тәуелсіз Мемлекеттер Достастығына мүше мемлекеттер қарулы күштерін гуманитарлық минасыздандырудың бірлескен инженерлік бөлімшесі туралы келісімді ратификациялау туралы» заңы қабылданды.

Бөлімше миналы алқаптарды техникалық барлаумен және оларды минадан тазартумен айналысады. Құжатта оны құру, қолдану және қызметін аяқтау тәртібі белгіленген.

• 08.10.2021
• 253