Ұсақ мал мен құстарды сақтандыру бойынша шарттар жасалды

Аграрлық сектордағы жаңа сақтандыру өнімдерінің бірі - қой мен құсты сақтандыру - өзінің алғашқы тұтынушыларын тарта бастады. Бұрын сақтандыруға тек ірі қара мал жататын. Ал жаңа өнімдер бойынша ұсақ мал, жылқылар мен құстар толық сақтандырылады және барлық мүмкін болатын тәуекелдер қамтылады.

Сақтандырудың бұл түрі сақтандырылған заттың аурудан, өрттен, жазатайым оқиғалардан, апаттар мен ұрлықтан, өлімінен, союынан, жоғалуынан сақтандыруды қамтамасыз етеді.

Ұсақ мал, жылқы, құсты кемінде 30 бас мөлшерінде сақтандыруға болады.

Сақтандыру тарифтерінің сақтандырылған мал санына байланысты әр түрлі деңгейлері белгіленеді:

- жылқылар үшін - 2,31-ден 6,46%-ға дейін;

- ұсақ мүйізділер үшін - 2,38-ден 6,16-ға дейін;

- құстар үшін - 2,31-ден 2,77%-ға дейін.

Аграрлық саладағы оператор - Ауыл шаруашылығын қаржылай қолдау қоры. Осы өнімдерді оператор мақұлдағандықтан, олар бойынша сақтандыру сыйақыларын мемлекеттік субсидиялар төленеді. Субсидиялар сақтандыру шартының құнын екі есе төмендетуге және ауыл шаруашылығы тауар өндірушілерінің қызметін одан әрі ынталандыруға бағытталған.

Келісімшарт жасалғаннан бастап төлемдерге дейінгі барлық процедуралар Qoldau.kz платформасында орналасқан Agroinsurance ақпараттық жүйеде жүргізіледі. Бұл платформада тек Қазақстан Республикасының Қаржы нарығын реттеу мен дамыту агенттігінің лицензиясы бар сақтандыру компаниялары жұмыс істейді.

Сақтандыру өнімдері шеңберіндегі тәуекелдер әлемдік нарықта «А» рейтингісі бар халықаралық компанияларда қайта сақтандырылады. Бұл – сақтандыру жағдайы анықталған кезде кепілдендірілген төлемдерді қамтамасыз етеді.

Өз малы мен құстарды бірінші болып сақтандырғандардың арасында - 86 бас ұсақ малды сақтандырған Алматы облысының кәсіпкерлері және 55 мың бас құсты сақтандырған Қарағанды ​​облысының кәсіпкерлері. Осы келісімдер бойынша мемлекеттік қолдау аясында сақтандыру сыйақылары 1,4 млн. теңге сомасында субсидияланды.

• 08.10.2021
• 305