ALIN халықаралық ғылыми-құқықтық ұйымының (The Asia Legal Information Network – Азиялық құқықтық ақпарат желісі) 17 Жалпы жиналысы

2021 жылғы 15 қыркүйекте Қазақстан Республикасы Заңнама және құқықтық ақпарат институты басшылығының тапсырмасы бойынша бас ғылыми қызметкер, з.ғ.д., профессор М.А. Сәрсембаев ALIN халықаралық ғылыми-құқықтық ұйымының (The Asia Legal Information Network – Азиялық құқықтық ақпарат желісі) 17 Жалпы жиналысының және «Азиядағы пандемиямен күресудің құқықтық шаралары: алынған сабақ және алға жылжу перспективалары» халықаралық ғылыми-практикалық конференциясының жұмысына «Қазақстанның пандемиямен күресудегі құқықтық тәсілдері» тақырыбындағы баяндамасымен қатысты.

Ағылшын тілінде өткен конференцияға Азияның 19 мемлекетінің (Қытай, Ресей, Үндістан, Индонезия, Жапония, Филиппин, Оңтүстік Корея, Малайзия, Таиланд, Бангладеш, Вьетнам, Сингапур, Қазақстан, Өзбекстан және т.б.) ғалым-заңгерлері қатысты. ALIN-нің 17 Жалпы жиналысында Корея Республикасының Заңнаманы зерттеу институтының президенті Ким Кыу Хон алғы сөз сөйледі.

Қазақстан Республикасының Заңнама және құқықтық ақпарат институты азия құрлығының 19 елінен 35 ғылыми мекеме мен университеттер құрамында ALIN-нің толық құқықты мүшесі болып табылады.

Конференцияны ұйымдастырушылар мен басқа елдер университеттерінің ғалымдары Қазақстан Республикасының Заңнама және құқықтық ақпарат институтының атынан профессор М.А. Сәрсембаевтың сөйлеген сөзін жоғары бағалады.

ALIN және Қазақстан Республикасының Заңнама және құқықтық ақпарат институты бірлескен ғылыми-зерттеу қызметінде айтарлықтай жетістіктерге қол жеткізді. Атап айтқанда, Азиядағы пандемиямен күресудің құқықтық шаралары туралы монография жазу бойынша айтарлықтай жұмыс жүргізілді.

• 16.10.2021
• 330