Ақтөбе облыстық филиалына кезекті қызметтік іс-сапарым

<p>Қайырлы күн, құрметті достар!</p>
<p>Мен бүгін кезекті іс-сапармен Ақтөбе облыстық филиалына келдім. Бұл жолы Республикалық маңызы бар "Ақтөбе-Атырау- РФ шекарасы (Астраханьға) учаскесіндегі қайта жаңарту жұмыстарының барысын тексердім.</p>
<p>Бұл жерде қазір 4 мердігерлік ұйымдар жұмыс жасап жатыр. Техникалық қадағалауды ZS Engineering LLP (Қазақстан) Субконсультантымен бірге DONGSUNG Engineering C., LTD (Корея) компаниясы жүзеге асырады. 903 адам, 537 техника жұмылдырылған. 8 қосалқы мердігерлік ұйым тартылған.</p>
<p>Құрылыс жұмыстарынан кейін, аталған автомобиль жолы Ақтөбе қаласынан Қандыағаш қаласына кіреберіске дейін III санаттан 4 жолақты қозғалысы бар I-б санатына ауыстырылатын болады. (77,8 шақырым) және II санаттағы 2 жолақты қозғалыспен Қандыағаш қаласын айналып өтіп, Атырау облысының шекарасына дейін (250,8 шақырым).</p>
<p>Сондай-ақ, 20 дана көпір құрылыстары, 73 дана су өткізу құбырлары салынады. Жолдың осы учаскелеріне қызмет көрсету үшін жол-пайдалану басқармасы мен жол-пайдалану пункті орналастырылады.</p>
<p>Жұмыс қарқынын тексеріп, учаскелерде білікті мамандар мен техниканың қажетті санын арттыруды тапсырдым.</p>
<p>Жұмыстардың сапасы мен қабылдануына, Республикалық маңызы бар автомобиль жолдарын алдағы қысқы күтіп-ұстауға уақтылы дайындықты күшейтуді бұйырдым.</p>.

• 18.10.2021
• 325