Қарулы Күштерде әскери-патриоттық тәрбиелеу қағидалары бекітілуде

Қорғаныс ведомствосы «Қазақстан Республикасының азаматтарын әскери-патриоттық тәрбиелеу қағидаларын бекіту туралы» Үкімет Қаулысының жобасын әзірледі.

Аталған нормативтік құқықтық актіде қазіргі жағдайдағы әскери-патриоттық тәрбиелеудің мақсаттары, міндеттері, орындау бағыттары мен күтілетін нәтижелер айқындалған. Қағидаларда сондай-ақ Мемлекет басшысының бағдарламалық құжаттарын түсіндіру, әскери-патриоттық, әскери және адамгершілік тұрғыда тәрбиелеу жұмыстарын ұйымдастыру қарастырылған.

Азаматтарды әскери-патриоттық тәрбиелеудің рөлін күшейту процесінде негіз қалаушы құрал Мемлекеттік бағдарламалық құжаттар болуы тиіс: «Рухани жаңғыру», «Мәңгілік Ел» идеясы, «Ұлт жоспары – 100 нақты қадам», «Ұлы даланың жеті қыры» және Мемлекет басшысының Қазақстан халқына жыл сайынғы жолдаулары.

Құжатты қабылдау әскери бөлімдер қолбасшылығының және тәрбие құрылымдары офицерлерінің Қазақстан Республикасының азаматтарына, Қарулы Күштердің, басқа да әскерлері мен әскери құралымдардың әскери қызметшілеріне әскери-патриоттық тәрбие беруді ұйымдастыру ережелері мен қағидаларын бірыңғай түсінуді қамтамасыз етеді.

Құжаттың толық мәтінімен келесі сілтеме бойынша биылғы жылдың 2 қарашасына дейін танысуға болады: https://legalacts.egov.kz/npa/view?id=12310975.

• 22.10.2021
• 293