Құрметті батысқазақстандықтар!

17 тамыздан бастап «Nur Otan» партиясының партияішілік сайлауы (праймериз) бастау алғаны баршаңызға мәлім.

Праймериз - барлық деңгейдегі мәслихаттар мен Қазақстан Республикасы Парламенті Мәжілісінің депутаттығына, партия органдарына депутаттыққа ұсыну үшін партиялық тізімдерге одан әрі енгізу үшін өткізілген партияішілік сайлау.

Сайлау барысында партия мүшелері ең беделді партия жетекшілерін, ел тағдырына бей-жай қарамайтын, сындарлы ұсыныстар жасай алатын және қоғамда беделі жоғары адамдарды дербес анықтайды. Ол үшін барлық қатысушылар үшін тең жағдайлар жасалып, өзара бәсекелестік қамтамасыз етілген.

Азаматтардың денсаулық қауіпсіздігін қамтамасыз ету үшін партияішілік сайлау «Праймериз» ақпараттық жүйесі арқылы онлайн режимінде дауыс беру механизмі жасалды. Праймеризді өткізу «Nur Otan» партиясының белсенділері мен жақтастарын, ең алдымен жастарды біріктіруге айтарлықтай серпін береді. Партияішілік сайлау өздеріне сенімді көшбасшыларды анықтап, депутаттық корпустың одан әрі мықты болуына айтарлықтай әсер етеді.

Мен барлық партия мүшелерін праймеризге белсенді қатысуға шақырамын. Бұл сөзбен емес, іс жүзінде еліміздің дамуына өз үлесімді қосуға дайынмын дейтін азаматтарға керемет мүмкіндік!

«Nur Otan» партиясының партияішілік сайлауын өткізу ережелерімен https://nurotan.kz/primaryze?lang=ru сілтемесі арқылы таныса аласыз.

• 25.08.2020
• 342