Қазақстан мен Әзірбайжан дін саласындағы ынтымақтастықты дамытады

ҚР АҚДМ дін істері комитетінің төрағасы Ержан Нүкежановтың және Әзірбайжан Республикасының Діни құрылымдармен жұмыс жөніндегі мемлекеттік комитетінің төрағасы Мүбариз Гурбанлының қатысуымен Діни қызметті реттеу мәселелері бойынша ынтымақтастық туралы Меморандумға қол қою рәсімі өтті.
Кездесу барысында Е.Нүкежанов Қазақстанның конфессияаралық келісімді қамтамасыз етудегі тәжірибесі туралы айтып, діни экстремизмнің алдын алу бойынша жүргізіліп жатқан жұмыстармен таныстырды.
Мубариз Гурбанлы Әзірбайжандағы қазіргі діни ахуал және діни білім беру жөніндегі мемлекеттік комитеттің жұмысының негізгі бағыттары туралы хабардар етті, сондай-ақ діни қызмет саласындағы мемлекеттік саясатты жүргізудің қазақстандық тәжірибесіне қызығушылық танытты.
Әзірбайжан тарапы-әлемдік және дәстүрлі діндер көшбасшылары съездерінің белсенді қатысушысы, оны өткізу бастамасы Елбасы Нұрсұлтан Назарбаевқа тиесілі.
Кездесу соңында тараптар өзара тиімді тығыз қарым-қатынастарды одан әрі жолға қою туралы ниеттерін білдірді

• 04.11.2021
• 241