Таразда кезектегі тұрған азаматтарға жаңа пәтерлердің кілттері табысталды.

Шараға қатысып, талай жыл кезекте тұрған жандардың қуанышын өз көзіммен көрдім. Тараз қаласы «Арай-2» тұрғын алабындағы 90 пәтер аз қамтылған, толық емес отбасыларға, жетім балаларға және әлеуметтік осал санаттағы басқа да азаматтарға берілді. «Нұрлы жер» бағдарламасы аясында бой көтерген көпқабатты үйдің құрылысын мердігер «Бином» ЖШС жүргізген. Құрылыс қарқыны жыл сайын артып келеді. Ағымдағы жылдың 7 айында 270 мың шаршы метрден астам тұрғын үй салынды. Жаңа баспаналарға бірінші кезекте халықтың әлеуметтік осал топтарындағы отбасылар қол жеткізіп жатқанын айттым. Баршаңызды қос мереке – Конституция күні және қоныс тойларыңызбен құттықтап, бақ-береке, ырыс-ынтымақ тілеймін! Айта кетейін, бүгінде облыс орталығында баспана кезегінде барлығы 18 887 адам тұр. Ағымдағы жыл басынан бері 15-шағын ауданда 80 пәтерлік 4 үй, ал Арай-2 массивінде 90 пәтерлік бір үй бой көтерді. Жыл соңына дейін 22 тұрғын үйдің құрылысын аяқтау жоспарлануда. 

• 29.08.2020
• 486