Қорғаныс министрінің қазақстандық "Танк биатлоны" командасына үндеуі

Құрметті қазақстандық жауынгерлер «Танк биатлонының» қатысушылары!

Сайыстар барысын үлкен қызығушылықпен бақылаудамын.

Армиялық халықаралық ойындардың тартысты сайысы – «Танк биатлоны» жеке жарысының бірінші кезеңінде кәсіби шеберліктің, үйлесімділіктің және жеңіске деген ұмтылыстың арқасында жақсы нәтиже көрсеттіңіздер.

Барлық Қазақстан халқы, Қарулы Күштердің жеке құрамы сайыстың әр сәтін мұқият қадағалауда, сіздердің қол жеткізген жеңістеріңізге қкана қол соғуда.

Жаңа жеңіске қол жеткізуде ұшқырлық танытуды, шебер маневр жасай отырып, барлық нысанаға дөп тигізуіңізді тілеймін.

Ең бастысы – сабырлық таныта отырып, әр қадамды дұрыс есептеу, жеңіске ұмтылуда табандылық пен іс-қимылды дұрыс ұйымдастыра білу.

Сайыста жеңіске қол жеткізуде табыс тілеймін!

Біз сіздерді мақтан етеміз!

Елге жеңіспен оралыңыз!

Алға, Қазақстан!

Алға, Қарулы күштер!

Алға, танкистер!

• 29.08.2020
• 377