Ғылыми кеңестің отырысы

Құрметті әріптестер мен достар!

2021 жылғы 22 қазанда Ғылыми кеңестің Төрағасы, Қазақстан Республикасының Заңнама және құқықтық ақпарат Институтының директоры, Қазақстанның еңбек сіңірген қайраткері Рамазан Құмарбекұлы Сарпековтың төрағалығымен Ғылыми кеңестің кезекті отырысы өтті.

Институттың кадрлық құрамындағы өзгерістерге байланысты Ғылыми кеңес мүшелерін қайта сайлау туралы мәселе қаралды. Ағымдағы жылдың үшінші тоқсанында іргелі және қолданбалы ғылыми зерттеулер бағдарламаларының, сондай-ақ Ғылыми зерттеу және заң жобалау жұмысы жоспарының орындалуы бойынша есептер тыңдалды. Есептер назарға алынды, ғылыми бөлімшелерге ұсыныстар берілді.

Ғылыми кеңес мүшелерінің назарына «Қазақстан Республикасының халықаралық шарттары туралы» Қазақстан Республикасының Заңына ғылыми түсініктеме жобасы туралы ақпарат ұсынылды. Сондай-ақ, ғылыми құқықтық сараптаманы үйлестіру бөлімінің қызметі туралы ақпарат берілді. «Қазақстан Республикасы Заңнама және құқықтық ақпарат институтының жаршысы» ғылыми-құқықтық журналы туралы ереже жаңа редакцияда бекітілді.

Отырыс қорытындысы бойынша жүргізіліп жатқан жұмысқа оң баға беріліп, Институттың ғылыми және сараптамалық қызметінің жекелеген бағыттарын дамыту бойынша нұсқаулар берілді.

• 15.11.2021
• 361