Әскери қызметшілер мен олардың отбасы мүшелеріне біржолғы өтемақы төлеуге қатысты нормативтік құқықтық актілер әзірленді

Қорғаныс министрлігі «Әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу қағидаларын бекіту туралы» Қазақстан Республикасы Үкіметінің 2013 жылғы 27 тамыздағы № 868 қаулысына өзгерістер мен толықтырулар енгізу туралы» жобаны әзірледі.

Қазіргі уақытта «Әскери қызмет және арнаулы мемлекеттік органдар қызметкерлері мен әскери қызметшілердің тұрғын үй қатынастары мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» Заң жобасы Парламент Мәжілісінің қарауында жатыр. Онда «Әскери қызмет және әскери қызметшілердің мәртебесі туралы» Заңға өзгерістер мен толықтырулар енгізу көзделген.

Заңның 51-бабында әскери қызмет өткеру кезеңінде әскери қызметшінің қаза табуы, оған мүгедектіктің белгіленуі, оның мертігуі (жарақаттануы немесе контузия алуы) жағдайы бойынша біржолғы өтемақы төлеу көзделген.

Аталған өзгерістер мен толықтырулар әскери қызметшілер мен олардың отбасы мүшелеріне мемлекет беретін біржолғы төлемдерін алу мәселесін шешуге мүмкіндік береді.

Бұдан өзге, көрсетілген қаулыға сәйкес қорғаныс ведомствосы әскери қызметші әскери қызмет өткеру кезеңінде немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу жөніндегі нұсқаулықты дайындады.

Нұсқаулықта:

- әскери қызмет өткеру кезеңінде қаза тапқан әскери қызметшілердің мұрагерлері;

- әскери қызметшілер қызмет өткеру кезеңінде оларға мүгедектік белгілеген кезде;

- қызмет міндеттерін орындау кезінде әртүрлі жарақат алған, жараланған, контузия алған әскери қызметшілерге біржолғы өтемақы алу үшін әрекет ету алгоритмдері белгіленген.

Құжатта өтемақы төлеу үшін құжаттарды жинақтайтын жергілікті әскери басқару органдарының, сондай-ақ осы әскери қызметшілер қызмет өткерген әскери бөлімдер мен бөлімшелердің жұмыс тәртібі айқындалған.

Құжаттардың толық мәтіндерімен 2021 жылғы 2 желтоқсанға дейін төмендегі сілтемелер арқылы танысуға болады: https://legalacts.egov.kz/npa/view?id=13066241, https://legalacts.egov.kz/npa/view?id=13066161.

• 20.11.2021
• 228