Әскери-дәрігерлік сараптама жүргізу қағидаларына өзгерістер мен толықтырулар енгізіледі

«Қазақстан Республикасының Қарулы Күштеріндегі әскери-дәрігерлік сараптама жүргізу қағидаларын және әскери-дәрігерлік сараптама комиссиялары туралы ережені бекіту туралы» Қазақстан Республикасы Қорғаныс министрінің 2020 жылғы 21 желтоқсандағы № 716 бұйрығына өзгерістер мен толықтырулар енгізу туралы» жоба әзірленді.

Бұл құжат «Қазақстан Республикасының кейбір заңнамалық актілеріне әскери қызмет және арнаулы мемлекеттік органдар қызметкерлері мен әскери қызметшілердің тұрғын үй қатынастары мәселелері бойынша өзгерістер мен толықтырулар енгізу туралы» 2021 жылғы 1 қаңтардағы Қазақстан Республикасының Заңын іске асыру мақсатында әзірленді.

Жаңа редакцияда кандидаттардың психофизиологиялық қасиеттерін анықтау тәртібі белгіленді. Құжат психофизиологиялық зерттеу жүргізу жөніндегі нұсқаулықпен, сондай-ақ тиісті қосымшалармен толықтырылды.

Бұйрық жобасының толық мәтінімен биыл 2 желтоқсанға дейін ашық нормативтік құқықтық актілердің интернет-порталында сілтеме арқылы танысуға болады: https://legalacts.egov.kz/npa/view?id=13060907.

• 20.11.2021
• 172