Қазақстан Республикасы Президентінің запасқа шығару және мерзімді әскери қызметке шақыру туралы Жарлығын іске асыру жөнінде Үкімет қаулысының жобасы әзірленді

Қазақстан Республикасының Қорғаныс министрлігі «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2022 жылғы наурыз – шілде және қыркүйек – желтоқсан айларында мерзімді әскери қызметке кезекті шақыру туралы» Қазақстан Республикасы Президентінің Жарлығын іске асыру туралы» Үкімет қаулысының жобасын әзірледі.

Жобада жергілікті атқарушы органдарға, мүдделі министрліктер мен ведомстволарға шақыру науқанының барысын, шақыру пункттерін медициналық қамтамасыз етуге, мерзімді әскери қызметтен запасқа шығарылған әскери қызметшілерді және Қазақстан Республикасының Қарулы Күштеріне, басқа да әскерлер мен әскери құралымдарға әскери қызметке шақырылған азаматтарды тасымалдауды қамтамасыз етуге нұсқау беру қарастырылған.

Құжаттың толық мәтінімен келесі сілтеме арқылы танысуға болады: https://legalacts.egov.kz/npa/view?id=13196860.

• 25.11.2021
• 34