Таразда өткен Жыр алыбы – Жамбыл Жабаевтың – 175 жылдығына орай халықаралық конференция

Таразда өткен Жыр алыбы – Жамбыл Жабаевтың – 175 жылдығына орай халықаралық конференцияға қатыстым.

Ақын ескерткішіне гүл қойып, рухына тағзым ету рәсімінен басталған «ҰЛЫ ДАЛА АҚЫНЫ» атты халықаралық конференцияға ҚР Президенті Әкімшілігі Басшысының бірінші орынбасары Дәурен Абаев, Мәдениет және спорт министрі Ақтоты Райымқұлова, елімізден және Қырғыз Республикасынан белгілі жазушы, ғалымдар, жамбылтанушылар, депутаттар мен ақын ұрпақтары барлығы 150-ге жуық адам қатысты.

ҚР Президенті Әкімшілігі басшысының бірінші орынбасары Дәурен Абаев шараның маңыздылығын баса айтты.

Облысбьасшысы ретінде конференция барысында 175 жылдық мерейтойына орай атқарылып жатқан ауқымды шараларға жан-жақты тоқталдым.

Елімізде ақын атымен аталатын бір ғана облыс бар, ол – Жамбыл облысы екендігін тілге тик еттім. Қазақстанда ғана емес, жалпы әлемде де адам атымен аталатын, облыс, қалалар санаулы.

Жамбыл облысында ақын есімі берілген 1 аудан, 3 ауылдық округ, 3 елдімекен, 1 даңғыл мен 83 көше, 10 мектеп және 1 кітапхана бар. Сондай-ақ, өңірде тұлғаның құрметіне барлығы 8 ескерткіш орнатылған.

Басқосуда басқа құрметті қонақтар сөз алып, орамды ойларын ортаға салды. Сондай-ақ, «Жамбыл жырау» атты кітаптың тұсауы кесілді.  

• 30.11.2021
• 397