Қазақстан Республикасының 2020 жылдан 2030 жылға дейінгі кезеңге арналған құқықтық саясат Тұжырымдамасының жобасына енгізу үшін қазақстандық ғалымдар жасаған ұсыныстарды талқылауға арналған онлайн-сараптамалық кездесу

Қазақстан Республикасы заңнама және құқықтық ақпарат Институты (бұдан әрі – Институт) Қазақстан Республикасы Әділет министрлігімен бірлесе отырып, Қазақстан Республикасының конституциялық, әкімшілік, кеден, қаржы заңнамасы, мемлекеттік органдарды бақылау және қадағалау саласындағы 2020 жылдан бастап 2030 жылға дейінгі кезеңге арналған Қазақстан Республикасының құқықтық саясат Тұжырымдамасының (бұдан әрі – Тұжырымдама) жобасын талқылау бойынша онлайн-сараптамалық кездесу өткізді.
Сараптамалық кездесудің мақсаты - Тұжырымдама жобасына енгізу үшін қазақстандық ғалымдар әзірлеген ұсыныстарды бірлесіп талқылау, сондай-ақ ұлттық заңнаманы одан әрі дамыту мәселелері бойынша сараптамалық пікір алмасу.
Сараптамалық кездесу жұмысына Қазақстан Республикасы Әділет министрлігінің өкілдері, Институт қызметкерлері, сондай-ақ қазақстандық және шетелдік ғалымдар қатысты
Сараптамалық кездесудің модераторы Қазақстан Республикасы Заңнама және құқықтық ақпарат Институтының конституциялық, әкімшілік заңнама және мемлекеттік басқару бөлімінің басшысы, заң ғылымдарының кандидаты Б. Қ. Нұрғазинов сөз сөйледі.
Іс-шараға қатысушыларға Қазақстан Республикасы Әділет министрлігі Заңнама департаменті директорының м.а. Д.А. Сүлейменов сөз сөйлеп, Қазақстан Республикасының құқықтық мемлекеттілігін нығайту үшін әзірленген Тұжырымдаманың маңыздылығын атап өтті.
Қазақстандық ғалымдар, атап айтқанда, заң ғылымдарының докторы, профессор С.Ф. Ударцев, заң ғылымдарының докторы, профессор Э.Б. Мұхамеджанов, заң ғылымдарының кандидаты, профессор А.А. Қараев өз сөздерінде конституциялық заңнаманы одан әрі жетілдірудің өзекті мәселелерін қозғады. Әкімшілік заңнаманы дамыту және мемлекеттік басқаруды жаңғырту бойынша ұсыныстармен заң ғылымдарының докторы, профессор Л.Т. Жанұзақова сөз сөйледі. Заң ғылымдарының докторы, профессор С.Т. Әлібеков кедендік заңнама саласындағы өзінің сындарлы ұсыныстарымен бөлісті.
Заң ғылымдарының кандидаты, доцент Л.К. Түсіпова өз сөзінде қаржы заңнамасын одан әрі жетілдіру қажеттілігі туралы айтып, оны дамытудың негізгі бағыттарын атап өтті.
Конституциялық және әкімшілік құқық саласындағы шетелдік сарапшылар ретінде Новосібір мемлекеттік экономика және басқару университетінің ғалымдары, ғылыми жұмыс және қоғамдық байланыстар жөніндегі проректор, заң ғылымдарының кандидаты, доцент А.А. Макарцев және әкімшілік, қаржылық және корпоративтік құқық кафедрасының меңгерушісі, заң ғылымдарының кандидаты, доцент О.Н. Шерстобоев сөз сөйледі.
Сараптамалық кездесудің қорытындысы бойынша Әділет министрлігі Заңнама департаменті директорының м.а. Д.А. Сүлейменов қорытынды сөз барысында тұжырымдама жобасына жасалған ұсыныстар мен оларды талқылауға белсенді қатысқаны үшін барлық қатысушыларға алғысын білдірді.
 

• 14.09.2020
• 382