БҚО әкіміне Орал қаласының бас жоспарының іске асырылуы жайы баяндалды

Жексенбі күні облыс әкімі Ғали Есқалиев Некрасов көшесіндегі салынып жатқан алаңда болып, Орал қаласының егжей-тегжейлі жоспарлау жобасы мен «жасыл аймақтарды» жайластыру тұжырымдамасымен танысты.
Бүгінде қаланың жалпы ауданы - 700 шаршы шақырымды құрайды. Бүгінгі таңда Оралда 11 ЕТЖЖ әзірленген. Кездесу барысында облыс әкімі ұзақ уақыт бойы қолданылмаған жеке жерлерді анықтау жұмыстарына аса мән беріп, мәселені шешуді тапсырды.
- Қаланың ескі бөлігінде көптеген көпқабатты үйлер салынуда, бұл нормалар бойынша қолайсыз. Ережеге сәйкес мұнда 3 қабаттан жоғары емес ғимараттар салынуы қажет, - деді аймақ басшысы.
Облыс әкімі сондай-ақ қаланың кәріз жүйесінің мүмкіндіктері туралы сұрады. Орал қаласының әкімі Абат Шыныбеков өз баяндамасында атап өткендей, қалада су бұру мәселелері жоспарлы түрде шешілуде. Коллекторларды жөндегеннен кейін КСС-1 және КСС-2-ге жүктеме азаятынын, бұл қаланың ескі бөлігінде кәріз желілерін дамыту перспективасын беретінін жеткізді.
Облыс орталығының осы бөлігінен тұрғындардың скверлер мен абаттандыру туралы өтініштері келіп түсуде. Бұл бағытта қалалық Арбатқа және Жеңіс алаңы маңындағы жағалауға көп көңіл бөлінеді. Оралда бүгінде 15 сквер бар.
Өңір басшысы жақын жерде орналасқан су бұрғыштары бар арық жүйесіне арналған арнайы су толтырғыштың жөндеу жұмыстарымен танысты. Облыс әкімі арықтардың бойына бұталы қоршау жасау арқылы балаларға арналған су бұрғыштарды қауіпсіз етуін тапсырды. Сондай-ақ, өңір басшысы қыс мезгіліне мұз айдынын жасау үшін жеке кәсіпкерлерге осы жинақтағышты жалға беру керектігін айтты.
Өңір басшысы қаланы аралау барысында Сарыарқа шағынауданына барды. Онда Деркөл кентінің жолдарын салу жобасымен танысты.
Жобалық-сметалық құжаттамаға сәйкес 2021 жылы жалпы ұзындығы 44,2 км болатын 48 көшені жөндеу қарастырылған, тротуарлардың ұзындығы 1,9 км құрайды. Биыл бірінші кезекте әлеуметтік нысандарға, атап айтқанда №49 жалпы орта білім беретін мектебіне күрделі жөндеу жұмыстарын жүргізу жоспарлануда.

• 15.09.2020
• 303