ҰҚШҰ мүше елдер аумағына бөлімшелердің келуіне байланысты құқықтық көмек көрсету және юрисдикция туралы келісім бекітіледі Қайта оралу

Қорғаныс ведомствосы «Ұжымдық қауіпсіздік туралы шарт ұйымына мүше мемлекеттердің аумағына ұжымдық қауіпсіздік жүйесінің күштері мен құралдары құралымдарының уақытша болуына байланысты істер бойынша құқықтық көмек көрсету және юрисдикция мәселелері жөніндегі келісімді ратификациялау туралы» Қазақстан Республикасы Үкіметі қаулысының жобасын әзірледі.

Жоба «Қазақстан Республикасының халықаралық шарттары туралы» 2005 жылғы 30 мамырдағы ҚР Заңының 5-бабына сәйкес әзірленді.

Келісімді ратификациялау ҰҚШҰ-ға мүше мемлекеттердің аумағында құралымдардың уақытша болуына байланысты юрисдикция және құқықтық көмек көрсету мәселелері бойынша құзыретті органдардың ынтымақтастық тетігін құруға мүмкіндік береді.

Құжаттың толық мәтінімен 2021 жылдың 30 желтоқсанға дейін келесі сілтеме арқылы танысуға болады: https://legalacts.egov.kz/npa/view?id=13784988.

• 14.12.2021
• 281