Елімізде 10 мың шақырым жолда құрылыс және жөндеу жұмыстары жүргізілді

Жаңа 2022 жыл табалдырықтан аттағалы тұр. Сондықтан өткен жылға көз жүгіртіп, жыл қорытындысын шығарсам, биыл бұл салада ауқымды жұмыс жүргізілгенін айтып өтуім керек. 

     Мәселен, республикалық және жергілікті маңызы бар автожолдардың 10 мың шақырымы құрылыс, реконструкция және жөндеу жұмыстарымен қамтылды. Оның 3,6 мыңы республикалық маңызы бар жолдар:  

- Талдықорған - Өскемен
- Қарағанды – Балқаш – Бурылбайтал – Күрті - Қапшағай
- Ақтөбе – Атырау - Астрахань
- Қалбатау - Майқапшағай
- Үшарал - Достық
- Ұзынағаш - Отар
- Меркі - Бурылбайтал
- Қостанай - Денисовка

     Құрылыс маусымына жолдардағы жобаларға 200 мыңдай адам және 12 мыңға тарта жол-құрылыс техникасы жұмылдырылды. 

     Жыл қорытындысында жолдардың сапасын арттыра отырып, I және II санаттағы 2,2 мың шақырым автожол пайдалануға берілді. Жақын маңдағы 120 елді мекенді қамтыған сенімді көлік қатынасы қамтамасыз етілді. Ірі елді мекендер жанында 6 айналма жолы салынып, көлік және транзиттік тасымалдар көлемі 2,5 есе артты.  

     Бұл ретте жол құрылысындағы қазақстандық қамту 90%-дан асты. 

     Жол бойындағы сервисті дамыту үшін тиісті қызметтерді толық қамтитын 71 кешен іске қосылды. Олар: кемпингтер, мотельдер, жанармай құю стансалары, техникалық қызмет көрсету стансалары, тамақтанатын және сауда орындары және т.б. 

• 31.12.2021
• 458